台文戰線聯盟

走揣台語文學的比亞翠思Beatrice....

頂回底討論施俊州的〈悲傷草稿〉,施俊州講著:「阿龍 kap Úkhuh ê 關係......阿龍 kap Úkhuh 之間,其實是藍國亞 tshuì--ni̍h「關係」(Job ê人際關係、Job kap上帝ê關係, etc.)ê 變型 niâ。」

我就底想, 這(Ukhuh等)屬文學內底的比亞翠思(Beatrice)原型, 存在佇Dante的《神曲》, 是愛佮上帝的變形。這个比亞翠思(Beatrice)原型定著佇台語文學閣有, 知影的, 來列予逐家鼻芳啦 !

檢視次數: 478

回覆

該討論的回覆


長松:我 tō 先 mài 直接回應你 ê 議題。先補充你 ê 話柄 tō 好,hōo ta̍k-ke thang koh-khah 了解你 ê 思考點。我無讀過《神曲》,kan-na 看過評介,m̄-koh 我 tsai 你leh會 siáⁿ。Ē-té 是我 tuì gún大學一年 á ê 課本――World Literature,抄--落-來-ê,mài 翻 khah省事。

附帶 1 點說明:「Area Free」是百貨公司 tsit類「店 á」ê「贈品區」;「Free」是「免費sio 送」ê 意思。

________________________________________【About Beatrice(Dante ê愛人á)】
*Dante tells us that in May, 1274—when he was about nine years old—he met Beatrice Portinari, the daughter of a rich Florentine citizen. He immediately fell in love with her. Nine years later she spoke to him for the first time—and “it made Dante a poet.” From a distance he continued to worship her, even after married somebody else. Her death in 1290 plunged the poet into the deepest despair.

*The New Life(Dante ê詩集):The New Life is a commemoration of Dante’s love for Beatrice.(Kui本lóng leh siàu-liām Beatrice)

* The Divine Comedy(寓言史詩《神曲》):……the soul—now led by Theology(represented by Beatrice) —makes a tour of the nine heavenly spheres.


________________________________________〈業務員:約伯ê死(頂pha)〉
(藍國亞:)「我甘願為著關係來棄捒一切。」

(敘述者 Taokara:)有時陣,ē 感覺家己親像 Ahronglong Sakinu (亞榮隆.撒可努) ê 冊--ni̍h,hit 隻去予超級獵人 Sakinu in pâ,tshuā Sakinu 綿綿 tsinn-tsinn jiok beh tsang--伊 ê 飛鼠,總--是好死毋死,我 ê 樹 khang,是通人攏知 ê 秘密。

「我甘願為著關係來棄捒一切。」藍國亞攏無延緩就應,tse 確實予我 tsiânn 意外。

(藍國亞:)「若準講……Taokara。……若準講予你有頂頭 tse 攏總 ê 福氣,毋過,煞無人了解--你,按呢你 kám 猶原ē滿足、快樂?」
(Taokara:)我想我對 tsit-ê 問題猶無鼻縫,所以決定先做忠實ê聽眾。
(藍國亞:)「我是講,就準講你有 tse 攏總 ê 幸福,毋過你 ê 身軀邊無1个 lo̍h-ngauh ê 人來佮你分享,koh 身軀邊攏無人佮你鬥搭,捌你 ê language,知影你致意啥貨,the 想啥貨,若是按呢,就準 kā 全世界攏予--你,嘛袂感覺 hiah-ni̍h-á 生意,予人 sannh 心 khùi,kám 毋是?」

「人總是感覺講 tsit 个人,ia̍h hit 个人,就有資格來擔任 tsit 个 soul mate ê 角色--ah,koh 來,人 koh phāu 樂觀想講,若有 tsit-ê 人,自然 tik 伊 ē 佇適當 ê 時間佮咱 sann tn̄g 頭,事實上,tsiânn 濟人 kah 尾--á是姑不終著 kā tsit 个期待放予袂記--得,了後心 sīnn 孤sng,甚至連『家己真孤單』 tsit 个代誌嘛 kā 做伙 hiat 入去心內上內底 ê hit 个屜仔內,較免 ke̍h 目鑿心肝.....」藍國亞假若無欲擋括 ê 款,我 ànn 頭看手錶仔,雖然 tsit 个業務袂講真顧人怨,毋過 tsit 通電話 t o也有 1 段時間--a,tsit 場已經無 sîng 業務拜訪 ê 對話嘛通好煞鼓--ah。

「Heh heh.....毋免偌久,做你 kā 看!」Tse 魔鬼看--起-來生毛帶角,ná 講 ná 奸臣 á笑,「人就準生活饒裕,猶原著愛面對 1 个人上深 ê 空虛;我 kā 伊攏總 ê mi̍h 齊搶--去,其實是催化劑爾爾。」魔鬼小停 tsi̍t 睏,hit 个面 bái kah ē 驚--人,koh 因為 siunn 過頭揚氣,無意中起 bán-tshuah,「你注意 kā 看!無人了解--伊,無人體會--伊,無人佮伊 kāng 心,嘛無 人佇起起落落 ê 人生路站--ni̍h tsham 伊分享,讀捌伊 ê 心內話,tse 就是伊每 1 工、逐月日、每 1 冬上 kài 大 ê 拖磨.....」,魔鬼「koh....koh.....koh」笑出聲,ná 像機械敗馬 hit 款艱苦聽 ê 噪音,「伊擋袂久--a- lah.....」

___________________________________________【《ÚKhuh》創作理念摘錄】
《ÚKhuh》二而一的主題:愛與悲傷。「愛」,乃延續《愛情部品:Genuine Parts of Love》的主題敷衍而來,由狹義愛情到親情、鄉土之愛、民族「史」的救贖。ÚKhuh 是《愛情部品》中小玲的換裝、蛻化,稱「ÚKhuh」、間或稱「阿玲」,是阿龍前緣已盡的戀人;在《ÚKhuh》當中,則是楊龍講述或作者自白、「洩漏」創作過程的聽者,緣命未絕(請參考〈李亂ê冊單〉試寫稿第2小節:「Ú-Khuh kap烏貓」)。《愛情部品》原是書信體小說(epistolary novel)的變體,穿插大量詩化的信件;《ÚKhuh》保留書信體特有的第二人稱策略,但捨棄「信件」的敘述功能,不再安插任何書信。ÚKhuh 於是成了第一人稱敘述者楊龍說話的對象,同時具有實存與虛構的性格;ÚKhuh 是「無所不在」的聽者、同時也是楊龍「全知」的鏡像或替身;既是阿龍當年讀蘇州大學(東吳)哲學系的同班同學,又是阿龍藉「追憶」行為所虛構的角色。透過敘述者亦真亦假、自我指涉或不可靠、不可全信的講述(fallible/unreliable narration),小說文本偶有第一人稱「全知」(後設)的書寫表現;這樣的敘述策略,或許有利於帶出歷史「救贖」的小說主題。

俊州kap逐家:

這个題目掘落趣味,只是愛時間。Dante 寫《神曲》的時,Beatrice已經死矣, 毋過伊予Beatrice出現佇《神曲》,成做tshuā Dante遊地獄的天使。

Jung有一个類似的原型叫做Anima,有興趣的嘛會使去查。

比如講,《胭脂淚》內面的翠玉應該是一个例。這款物,情詩上濟,小說嘛袂少。

明仔載無閒,tann愛先來睏,先話到遮。
若無誤會,按呢這个Beatrice ê層次毋就愛真懸,變做1種理想ê典型、化身...按呢tsiah有ha̍h。 Sīm?
是啦!這个Beatrice 是高貴、神的智慧的化身,毋niâ tshuā Dante遊地獄,閣tshuā伊過「淨界」,上天堂。若無伊, Dante早就半小死矣......
但丁(Dante Alighieri)在神曲中對碧爾特麗沙(Beatrice)愛的憧憬發展成她有如基督再世,具有天堂裡獲救的靈魂屬性--判斷與知識--帶領人類向上超越的能力。也就是說,女人引領人性走出森林中險惡兇狼的獅子、老虎、狼群,而前赴天界靜謐境地。當然,人類文明除了精神領域受女性形象影響外,女人的「美」,更使近代枯燥的重商主義,在利益交易分配之商業行為中,幫助男人成就資本家這個角色。現在資本經濟社會的靈魂,不是無數女秘書凝塑完成的嗎?一個家庭沒有女人,或是一個團体沒有女人,你想這會變成怎樣的境地? 所以呢,走揣台語文學的比亞翠思Beatrice絕對有需要,只是要怎麼找呀!逐家作伙打拼了。

〈風格內 ê Phōng-kó-tàⁿ〉得獎感言


Úkhuh:Ài koh kā 你提醒--tsi̍t-piàn,你 ê 名 tio̍h 唸做 [iú-khuh]。驚你 bē 記--得,koh 解說--tsi̍t-piàn:「Úkhuh」是「自由區」尾 á 2 字 ê 叶音――「叶」讀做 [hia̍p](Ta̍k-kái lóng ài án-ni ㄅㄆㄇㄈ,真 thiàm!Siâng 叫你是台語文盲)。「自由區」是和製漢字詞,uì 英語 phrase「Area Free」翻--過-來-ê。Án-ne 知--a ho͘ⁿh?Ah to bat 趁大錢 ê SoGO、大統百貨、Sín-kuáng-sán-é(新光三越),或者 lán 半暝 á 3 點 tiāⁿ lōng leh 買 hun、1 kái 買 3、4 條 ê Tsiá-lò-hû 安平店(24 hr.),tsit-lō 大 khám--ê 設 tī 邊 á 角、leh hōo VIP 兌換免錢貨 ê 服務台 iah 奉待區。是--lah,「free」、「自由」是免費、免錢 sio 送 ê 意思。是講,nā 套 tī lán 2 人 ê 關係,或者講施 á Bòng ê liân-huê 人生,自由 tō m̄ 是 hiah-nī「自由」--a。人 lóng 是 ài 付出代價--ê。龜 kha 龜內肉、做乞食 iā tio̍h 1 kha ka-tsí-á,你講是--m̄?Lán lóng 活 tī 1 个看有讀無、甚至無致覺 ê 世界,tō 算鼻 ē tio̍h hit 款 àu 敗 ê 氣味。Káⁿ 是李亂無意 á 無意講出 tshuì ê「非自由區」――ká-ná 你 kap 我,活 tī 1 tsíng 互相 tîⁿ-tuè、永遠無法度削離 ê 關係?

無 m̄ tio̍h,Bòng--a tō 是李亂(Bòng--a 本名施裕孟,是 gún 二伯公 ê 孫,慢我 2 月日出世),人格 kāng 款不良不良;現此時 tī 中庄 Bé-tshù hit 箍圍 á leh 顧 kiáu-king(iá 無 kah「整 kiáu」hiah tsiūⁿ-kioh)。Lán 發表過 1 篇小說,號做〈李亂 ê 冊單〉(2009.04,《台文戰線》14 期);驚講 3 位評審看破 lán ê kha 手,m̄ tsiah ē「偷天換日」、tiàm 文本當中烏龍 se̍h 桌,kā 李亂 ê 名換做「Si-á Bòng」(其實是 hîng hōo Bòng--a)。Tī tsit 篇 m̄-tsiâⁿ 散文,施 á Bòng 雖然是敘述者,論真講 m̄ 是重點。重點 tī hit-ê「iáu(猶)」無名無姓 ê 少年家 kap 瓊(窮?)ê 關係。Hit-tsūn 少年--ê tī 風化城 leh 讀台中二中,臘曆紙見紅 lóng ē tńg 來偷看瓊。少年--ê bat kā 我講:I àm-tsīⁿ saⁿh tī 頂 pak-kuà--ê bē tsió,獨獨瓊 hōo i 1 款「驚為天人」ê 感覺。Tō ká-ná Bòng--a 講--ê,「驚為天人」tsit-lō īng kah 臭 phú ê 成語,kap「荒涼」、「pha-hng」kāng 1 路,lóng 是不得已 ê 字詞。He 是 1 種「神秘」ê 心理感受、性命經驗,完完全全列 tī 非 ∕ 自由 ê 項 mi̍h、人生貨底 kap「pùn-sò」,iā 是少年大頭 á ài 付出 ê 代價。

我想,你對 lán tsit 篇散文 ê 枴 á 花、創作 mê-kak,tiāⁿ-tio̍h 無趣味。你 khah giàn beh 知--ê 是瓊 ê 真名:李瓊瑤。大頭 á kā 我講:Hit 日,一生中獨獨 1 kái,i tiàm 電腦頂 the̍h tsit 3 字 google--tsi̍t-ē,隨走出 ká-ná 天星、海底沙無 tè 算 ê 詞條,lóng m̄ 是瓊。Án-ne 你知--a ho͘ⁿh!Lán lóng 活 tī 自由區無自由 ê 世界,1 種互相 tîⁿ-tuè、永遠無法度削離 ê 關係,只要 hit 枝筆 gia̍h tiâu--leh。。

回覆討論

© 2024   Created by 胡長松.   管理小組

成員徽章  |  報告問題  |  服務條款