台語旅行散文ê比較文化觀：以胡民祥ê《夏娃伊意紀遊》做例
摘 要
胡民祥ê《夏娃伊意紀遊》是台語文學史上重要ê旅行散文集。伊m̄-nā是頭一本個人創作ê旅行散文集，尚且規本冊36篇文章攏聚焦tī Hawaii。胡民祥khiā tī台灣參Hawaii平平是南島語族重要基地ê歷史感情，書寫兩款無仝文化ê比較佮對話。伊前後五擺去屬於美國領土ê Hawaii旅行，所寫落來ê親身見證，ē-tàng成作tī後殖民ê情境下底，旅行文學所展現比較文化觀ê重要見本。胡民祥ê《夏娃伊意紀遊》是文明人走揣根源、互相對話ê實錄，透過Hawaii ê萬事萬物成作借鏡ê理路。筆者以「民族神話ê美麗哀愁」、「自然人文ê多音交響」、「台灣語文ê他鄉視野」這三種角度來分析《夏娃伊意紀遊》。Kiám-tshái這本冊就是藏tī胡民祥「心靈奧底」、oh得講出嘴ê「文化鄉愁」。
關鍵詞：胡民祥、夏娃伊意紀遊、Hawaii、台語旅行散文、比較文化觀
一、踏話頭
1990年代了後，台灣時行一款新興ê文類──旅行文學。Beh講旅行文學進前，咱有必要先定義「旅行」這兩字。「旅行」ê英文一般ti̍k寫做「travel」，另外mā有人翻譯做「旅遊」 ；根據研究者孟樊ê看法，「旅行」佮「觀光」是無仝款ê活動 。其實，旅行文學自古以來就一直存在，西方上早ê旅行文學ē-tàng講是公元前800冬ê經典史詩《奧德賽》（Odyssey） ；毋過旅行文學成作學者注目ê文類是1960年代以後ê代誌（孟樊，2004:1）。中國上早ê旅行文學有可能是《周王遊行記》 。根據吳芳真ê研究，台灣上早ê旅行文學應當是郁永河ê《裨海紀遊》 ，而且，以現此時ê學術用語來講，這本有開創性ê經典，mā是一本「跨領域」ê重要文獻 。
1997到1999短短3冬，國內2大航空公司舉辦4擺旅行文學獎。其中，「華航旅行文學獎」相連續辦3屆，「長榮環宇文學獎」kan-nā tī 1998年辦過1屆；經過這4擺旅行文學獎ê鼓吹，對開發國內書寫旅行文學ê人口有tsiânn大ê幫贊，這ùi 4擺旅行文學獎收著ê投稿總量達到4586件，就量約ē-tàng看出來 。另外，1998、1999、2000、2005年，中國青年寫作協會、東海大學中文系、中山大學外文系、台中技術學院應用中文系，相連續舉辦佮旅行文學相關議題ê學術研討會 。Tī國內受學術界致重ê《中外文學》雜誌，mā分別tī 1997佮1999年製作「離與返的辯證（I）──旅行文學與評論」、「離與返的辯證（II）──女性與旅行」2個有關旅行文學ê專題（應蕙芬，2007:34），對鼓吹旅行文學研究有一定程度ê貢獻。
2004年，旅行文學研究者胡錦媛主編《臺灣當代旅行文選》，選錄16位作家ê 18篇作品，雖bóng遮ê作品只是濟濟旅行文學ê少數篇章，不而過有in一定ê代表性。
然而就在旅行文學定義莫衷一是的同時，臺灣的旅行寫作者已經以一己的修辭、觀點與敍事主體書寫旅行經驗，呈現旅行文學多樣的內涵與多種可能的寫作形式。這本文選中所收錄的便是近一、二十年來臺灣旅行文學寫作的試驗與成果。（胡錦媛，2004:9）
Tī入選ê 18篇作品內面，胡錦媛特別推薦舒國治被選入集內ê〈香港獨遊〉 ，詹宏志對舒國治ê另外1篇作品〈遙遠的公路〉koh khah呵咾kah會tak舌 。
Tī台灣，台語文學一向攏是邊緣ê 、弱勢ê文類，旅行文學自然無可能例外。本論文beh探討ê是台語旅行散文ê比較文化觀，以胡民祥ê《夏娃伊意紀遊》（台南市立圖書館，2008）做例。現此時台語旅行散文創作量khah濟ê有2位作家，胡民祥以外，張春凰mā是這方面ê多產者，特別是伊佮2位姊妹共同創作ê《三姊妹看世界》（新竹：時行台語文會，2007），是目前為止上大部ê台語旅行散文集；不而過，胡民祥ê《夏娃伊意紀遊》是唯一1本個人創作ê台語旅行散文集，而且集內收錄ê 36篇散文，所有ê焦點攏集中tī Hawaii（夏威夷）這個旅行聖地，有伊多元、豐富ê人文思考tī篇章內底轉se̍h。這就是筆者beh將這篇書寫台語旅行散文ê論文，鎖定胡民祥《夏娃伊意紀遊》ê起心動念。
二、戰後台灣旅行文學發展概論
Ùi頂面ê紹介咱thìng好清楚看出，1997年以後台灣ê學術界lūa-ni̍h致重旅行文學ê研究佮推廣。儘管現此時全世界經濟普遍無景氣，不而過，筆者相信未來旅行文學猶原會以各種豐富多彩ê姿態展現tī咱ê面頭前。
（一）華語旅行文學簡論
戰後台灣ê旅行文學雖bóng到1990年代才漸漸成作「顯學」，毋過，1950、60年代開始就有作家書寫這方面ê題材；親像鍾梅音ê《海天遊蹤》、陳之藩ê《旅美小簡》、《劍河倒影》等（孟樊，2004:20）。另外，仝時代ê徐鍾珮mā bat出版《多少英倫舊事》佮《追憶西班牙》這兩本旅行文學集。研究者張瑞芬將徐鍾珮佮鍾梅音列做女性旅行文學ê先行者 。
事實上，tī台灣iáu未解嚴、開放觀光ê年代 ，上受歡迎ê旅行文學作品是三毛ê《撒哈拉的故事》、《稻草人手記》、《哭泣的駱駝》、《溫柔的夜》、《雨季不再來》等。胡錦媛指出三毛旅行文學ê特色：
三毛突破遊記的傳統記實書寫方式，將人物、情節加以戲劇化，成就一種傳奇浪漫的色彩，但卻又因第一人稱「我」的敍事角度，使讀者誤以為她的作品是寫實的。臺灣當代一般旅行寫作大都失之於平實刻板，即使旅遊本身是豐富的，但卻缺乏適切的技巧來表達。就這一點而言，三毛的作品是值得參考的。（胡錦媛，2006:274）
近年來，台灣有關旅行文學相關議題ê碩士論文超過20本，其中有3本全然研究女性旅行文學 ，另外，iáu有幾落本濟少牽涉女性旅行文學ê書寫，ùi遮ē-tàng看出這幾冬女性旅行文學受重視ê程度。
2002-2004年之間，附屬tī城邦出版集團下底ê紅樹林文化，邀請包含現代詩、散文、小說在內ê 18位作家，相連續出版「台灣文學旅行系列」22本作品 ，這應當是戰後台灣文學史上最大規模ê旅行文學書寫。研究者李依倩指出，這22本在地旅行文學作品，因為引用官方文獻，使致大多數作品犯著前後書寫策略ê差異佮內容、情節、性質無連貫ê明顯欠點。（李依倩，2007:246-247）
雖bóng作家羅智成認為現有ê台灣旅行文學作品無夠成熟（羅智成，1998:95），毋過，無論安怎講，戰後台灣ê旅行文學作品已經濟kah規牛車，無法度tī有限ê篇幅裡1筆1筆列出來。頂面講過ê《臺灣當代旅行文選》，kan-nā選錄16位作家ê 18篇作品，雖bóng有相當程度ê制限佮編者主觀ê偏見，總是有伊一定ê代表性，透過「讀者閱讀的美感經驗也將使這些旅行寫作成為永久的珍藏品。」（胡錦媛，2004:12）
（二）台語散文ê旅行書寫
若照林央敏ê講法，戰後台語文學性ê散文ài到1987年才出現（林央敏，1998:17），安呢講來，頭1篇台語旅行散文mā絕對是1987年了後才出世。咱以台語散文產量豐富ê張春凰做例，伊ê頭1本台語散文集：《青春ｅ路途》（台北：台笠，1994），內面kan-nā 1篇旅行散文〈觀霧記遊〉；到伊ê第2本散文集《雞啼》（台北：前衛，2000），旅行散文增加到2篇：〈中晝ｅ布袋港〉佮〈95熱天記事〉；第3本散文集《夜空流星雨》（新店：開拓，2004）tsiânn tú好收錄3篇旅行散文：〈水沙連掠影〉、〈夜空流星雨〉、〈山頂ｅ星〉。林央敏呵咾張春凰ê〈水沙連掠影〉「吸收自然景緻佮人文氣味」（林央敏，2004a:4）。
Ùi頂面ê紹介，thìng好看出張春凰已經出版ê 3本散文集，kan-nā收錄6篇旅行散文，tī數量上來講有khah少淡薄。不而過，2007年伊參二姊張碧齡、小妹張麗昭合作出版《三姊妹看世界》，這擺伊將旅行ê眼界全然徙到國外。學者楊翠認為這本冊「思想密度高，是台語知性散文的典型。」（楊翠，2007:3）伊進一步指出成功ê旅行書寫ê要件，見證《三姊妹看世界》有仝款ê特點：
旅行書寫最重要、也是最動人之處，應是旅行者如何經由自我與他者的遭遇，通過對他者文化的觀察與體驗，反思自我文化、定位自我存在價值，重新認知、認同自我，重構「家」的意象，找到一條新的「返家」路徑。自我與他者的對話，正是《三姊妹看世界》一書最重要的區塊。（楊翠，2007:3）
設使《三姊妹看世界》親像楊翠所講ê hiah-ni̍h優秀，就準講無法度達到詹宏志所謂ê「硬派旅行文學」（hard-core travel narrative），beh成作「軟派旅行文學」絕對足足有tshun 。咱來讀1段〈身在Swiss ｅ慢板〉，印證頂面楊翠「自我與他者的對話，正是《三姊妹看世界》一書最重要的區塊。」ê重要評價：
真濟台灣人deh望想建立做一個瑞士ｅ模式，咱定定有距離去想zit款ｅ美夢，……所以瑞士人ｅ蘋果落di滿土腳，ma無人去拾！？落di土腳ｅ蘋果，無人拾ｅ心境，相對著hit當時台灣內在殖民ｅ困境。瑞士神射手William Tell痛恨當年奧國統治者總督Gessler「橫柴qiah入灶」欺壓人民ｅ拗蠻，刁故意糟蹋伊用箭射著親生後生頭殼頂hit粒蘋果，隨著神射手ｅ箭射破蘋果，ma射破sang勢ｅ鴨霸，同時射出民族意識ｅ光輝……（張碧齡、張春凰、張麗昭，2007:167）
除了張春凰，當該然iáu有bē少台語旅行散文ê書寫者。下底，紹介3位bat出版台語散文集、尚且集內收錄幾篇旅行散文ê作家：林央敏、許正勳、陳金順。
咱攏知影林央敏是ùi華語文學轉向台語文學ê創作者，伊ê頭1本散文集《第一封信》（台北：禮記，1985）仝名篇章bat得過「聯合報」徵文比賽首獎，tī彼個年代thang看出伊散文寫作ê功力。伊tī 2冬半ê時間出版4本華語散文集 ，毋過轉向台語創作了後，kiám-tshái將大部分ê khùi力用咧寫詩 ，所致kan-nā出版1本台語散文集《寒星照孤影》（台北：前衛，1996）。《寒星照孤影》集內收錄〈行過金仔城──九份紀遊〉、〈東北一角山水〉、〈夜臨大肚山〉、〈多湖城一日〉、〈太平名．不平山〉等5篇旅行散文。其中，〈多湖城一日〉寫伊去美國多湖城thit-thô，hōo伊聯想著故鄉牛稠溪ê情景，筆者認為這tah基本上符合頂面楊翠所定義成功ê旅行書寫ê要件。
許正勳38歲才開始文學創作，初開始寫華文，到52歲才轉向台文創作（許正勳，1999:27）。施炳華佮林央敏攏bat以〈大隻雞慢啼〉做標題為許正勳ê新冊踏話頭，呵咾伊種作台文田園ê拚勢精神 。林央敏bat表示「許正勳來寫台語散文可能比寫台語詩擱較適合。」（林央敏，2004b:9）許正勳收錄tī散文集《烏面舞者》（台南市台灣語通用協會，2004）ê旅行散文有〈蓬萊仙島〉、〈虎形山〉、〈後山台東〉、〈愛河夜遊想當年〉等4篇。林央敏呵咾〈蓬萊仙島〉是「非常好的台語散文」（林央敏，2004b:12）。
陳金順1995年開始寫作，一落筆就以台語創作文學，「堪稱以母語書寫自華文體制解放的作家典型 」，主要寫作文類是現代詩。伊佮林央敏、許正勳仝款，目前kan-nā出版1本台語散文集《賴和價值一千箍》（台南市立圖書館，2008），集內收錄：〈馬拉邦ｅ楓仔葉〉、〈彼工，風微微〉、〈雨水滴落黃金城〉等3篇旅行散文。施俊州為《賴和價值一千箍》寫ê序文有針對旅行散文提出批評：
旅遊散文一般來講是一種「軟弱」的文類，往往訴求景物的描寫；若m是高手，hainn bue掉詠物寫物的ue-sue筆路，甚至墜入有閒階級「山林文學」便套，變成資本主義論述的證據。在我看，遊記、旅遊散文是一種「危險」的文類，文學「下品」的生產機器。（施俊州，2008:31-32）
施俊州認為陳金順ê旅行散文「khah無tsit方面的問題，其中一個原因就是伊的散文m是單純記遊、是飽滿人事見解、歷史感想的文友交遊記錄。」（施俊州，2008:32）Ùi頂面ê概論ē-tàng知影，現此時台語旅行散文ê創作量iáu-koh tsiânn欠缺，tī當今世界thìng好講是1個地球村、旅行文學成作1種「顯學」ê時代；台語文學實在有必要擴充旅行書寫，加創作一寡有「飽滿人事見解、歷史感想」ê優質旅行文本；若按呢，林央敏、許正勳、陳金順等人行tī頭前ê少數幾篇旅行散文，的確ē-tàng講是1種美麗而且有意義ê存在。
三、《夏娃伊意紀遊》ê比較文化觀
Tī台文作家內底，胡民祥有伊參別人khah無仝ê特殊性。伊1967年出國留學，因為tī海外參與台灣人ê政治、文化運動，致使hōo國民黨政權列入烏名單，一直到1988年才初次踏入故鄉胡厝寮ê埕斗；了後，一再tī siàu念台灣ê鄉愁佮土斷美洲新天地ê矛盾裡滾絞。事實上，無論胡民祥按怎心悶故鄉，tī美洲生活3、40冬ê現實，hōo伊無法度huah斷就斷、講轉就轉 。因為胡民祥這款透濫台、美2國文化ê特質，使得tī伊所書寫ê文本裡，不時ē-tàng看著伊tī 2種無仝文化ê辯證裡得著某種程度ê tháu放。Tī《茉里鄉紀事》（台南：開朗，2004）裡是按呢，tī《夏娃伊意紀遊》裡mā是按呢。
一提到「夏威夷」，大家心裡馬上會浮出一幅美麗的畫面：靜謐的海灘；氤氳的雨林；煙霧繚繞的群山；令人目眩神迷的落日；以及人跡罕至的山谷中，如銀絲帶般閃亮的瀑布。在世界所有的旅遊勝地中，夏威夷絕對是最棒的選擇之一，不過，它的魅力遠遠超過人們既有的印象，它的美也絕不僅限於自然景觀。（陳宏淑譯，2001:15）
頂面「它的美也絕不僅限於自然景觀」確實有影，因為tī Hawaii誕生ê民族神話本身mā充滿美麗ê想像 。「Hawaii．夏娃伊意．夏威夷」，其實攏是指仝1個所在，分別是英語、台語、華語ê無仝用法。「夏娃伊意」這個台語翻譯ê外國地號名，kiám-tshái是胡民祥頭1個使用ê特殊符碼。《夏娃伊意紀遊》就是胡民祥ùi 1993年起，前後5擺去Hawaii群島行踏所寫36篇散文ê總成果。其實，胡民祥並毋是一開始就按算寫遊記，伊是1999年第4擺去Hawaii進前，才決定beh「徛著南島語族的觀點：來看所見，來寫所思。」（胡民祥，2008:9）He是因為「佇南島語族的傳湠裡，夏娃伊意人是上北爿的一個族群，時間上嘛是上晏的，差不多一千外年前才移徙夠夏娃伊意。所以，夏娃伊意人是台灣人的遠親。道是因為這層事實，互我產生真大的興趣……」。（胡民祥，2008:9）
咱攏知影，Hawaii現此時是美國ê第50州，毋過，公元1900年進前Hawaii是1個獨立ê國家 。（陳宏淑譯，2001:20-21）若以後殖民ê觀點，Hawaii的確ē-tàng講是1個被殖民ê受難地。頂面講胡民祥是khiā tī南島語族ê觀點來書寫《夏娃伊意紀遊》，既若安呢，伊當然是khiā咧殖民者ê對立面，這ùi伊去Hawaii旅行，koh思思念念tī台灣被殖民體制看輕ê台語文相關人事物，就ē-tàng看出內面ê mê角。這其中難免有「吊詭」ê所在，胡民祥雖bóng是台灣人出身，不而過，1967年了後，伊被環境所迫順其然成作一世ê美國人 。無論tī物質抑是文化上，第一代移民土斷ê過程需要khah久長ê時間 。所致，胡民祥ùi美國本土去仝款屬tī美國領土ê Hawaii旅行，suah khiā tī台灣ê觀點寫遊記，某種程度是ē-tàng hông理解ê代誌。
時間維度在旅行文學中常常會切入了歷史沉思的層面，構成旅行家自身的傳統時間層面與所到之處的當下時間層面的糾結，因而形成奇妙的、甚至令人眩惑的纏繞。從空間上說，從此一地到彼一地，空間的轉移不但有地理形態的驟變，而且有人文環境的巨大反差。……這必然產生一種對自己所屬文化及其身份的深刻體認和反思。（周憲，2001:405-406）
Ùi頂面這段引文參照頭前講著胡民祥透濫2款無仝ê文化身分，由伊所寫ê《夏娃伊意紀遊》的確符合本論文標題「比較文化觀」ê價值。下底筆者按算將《夏娃伊意紀遊》文本分作：「民族神話ê美麗哀愁」、「自然人文ê多音交響」、「台灣語文ê他鄉視野」等3部分來成作討論基礎。
（一）民族神話ê美麗哀愁
根據Russia出身ê漢學家B.Riftin（漢名李福清，1932-）ê研究，「神話」佮「傳說」事實上是無仝ê，in主要ê差別是：神話所描寫ê是創世紀佮史前時代ê故事，傳說所描寫ê是歷史時代ê故事；神話一般ti̍k佮信仰、儀式有關係，ah若傳說ê基礎是歷史事件。（B.Riftin，1999:39）下底咱beh看ê就是Hawaii ê民族神話：
火山女神佩麗千外年前，唯遙遠的南太平洋的大喜地，參兄弟姊妹歸家往北，駕著大隻艋舺，靠天星導航，駛向茫茫大海，見島插鐵針測火山岩漿的深濶程度，攏無滿意，一路北上，來夠夏娃伊意群島，先看著可愛島，鐵針一測，火山岩漿無夠怹家族爽。向東找去，胡亞夫島嘛是無夠看，茂宜亦是無夠大。最後相著茂宜隔壁的大塊島叫夏娃伊意，島上東南墘的活火山Kilauea有火山湖，滿滿燒燙燙的岩漿，鐵針一插無達底，誠互佩麗恰意，徛家厝底定。（胡民祥，2008:179）
Tī頂面這篇〈行踏火山坑窟〉講著ê火山女神「佩麗」，原文寫做「Pele」；佮Hawaii ê民族神話有難分難捨ê關係，甚至因為Pele來產生史詩Holomai Pele（航海者佩麗）。（胡民祥，2008:179）為著證明胡民祥ê描寫確實，咱來看1段紹介Hawaii冊裡ê敍述通好參照：「喜歡流浪的培蕾乘坐一艘由鯊魚神提供的獨木舟，從大溪地來到夏威夷。她在考艾島東方的尼好島上岸後，開始周遊各島，尋找一座適合定居的火山。唯一適合的就是大島。」（陳宏淑譯，2001:289）古早民族神話裡ê女神，kiám-tshái攏會有1段浪漫ê愛情故事，咱來看胡民祥tī〈淡水河口的神壇〉內面按怎描寫火山女神Pele ê戀愛古：
豬神追求火山女神佩麗，兩人也追也拍，怹相冤一世人。詩中有Puna地名，在Puna靠近海墘的所在，有一個地名叫做Ka-lua-o-Pele（佩麗海灣）， 神話傳說講是豬神參火山女神相好過的所在，因為當地的地形看起來：那像是兩人相好、相冤、相攬、相拍的形狀。（胡民祥，2008:93）
看起來毋是tsiânn Romantic ê款。筆者認為：風平湧靜抑是瓊瑤式「不食人間煙火」ê愛情，離人性傷過頭遠；顛倒是有衝突ê愛情，kiám-tshái會床頭拍床尾和mā無的確；神仙往往mā ài透濫寡人性，khah ē-tàng hōo世間人siàu念。「相好、相冤、相攬、相拍」ê形容實在有夠傳神。民族神話裡ê美麗女神，來到學理工ê胡民祥面頭前，除了「美麗」以外，koh khah有透濫文學想像佮現實經驗ê奇妙比喻，咱來看胡民祥按怎〈觀賞火山岩漿龜趖〉：
岩漿一流一徙一停一坐，各有姿態各有氣勢，各有身段各有風格。有時長長一條紅線那火尺，有時鈍鈍一團粘一團那成疊滿堆的柑色芷薑，嘛有時趖成一隻一隻的紅龜粿。古早五十年代我作囡仔時上愛食紅龜粿，現此時是可看不可食，嘛不可摸，因為一摸恐驚會變作送互女神佩麗的鳳爪。（胡民祥，2008:183）
Kā火山岩漿比喻做「柑色芷薑」佮「紅龜粿」這款前無古人ê傑作，恐驚mā只有胡民祥才想會出來。其實，胡民祥ê腦海內m̄-nā充滿浪漫ê想像，tī遊賞火山ê同時，伊mā致意Hawaii ê語言、文化。Tī〈探訪希羅〉裡，胡民祥進一步指出：
近年來，夏娃伊意意識提昇，其中上重要的一層是語言，參語言入去的文學。火山女神是其中一項重要的文化及文學資源，靠這款神話文學的重新生湠，是可以開拓夏娃伊意民族自我解放的力量。（胡民祥，2008:172）
胡民祥tī遮並無說明Hawaii民族自我解放ê力量，kám是指獨立建國 ？不而過，目前是美國第50州ê Hawaii，beh tī USA強大ê資本帝國主義下底獨立建國，恐驚phīng Quebec（魁北克）beh ùi Canada獨立ê困難度加kûan tsiânn濟。
以上胡民祥所寫關係火山女神Pele ê故事，毋管浪漫抑是奇幻，美麗抑是哀愁，攏是Hawaii民族神話重要ê部分。Ah若台灣ê民族神話，大體上流傳tī高山原住民各族一代傳一代ê口傳之間；Tao（達悟）是唯一靠海生存ê海洋民族，佮Hawaii民族ê生存環境比較ti̍k khah相像，根據專家、學者ê採集、研究，Tao族有相當豐富ê民族神話 ，特別是飛烏魚佮Tao人ê關係不止仔密切，tī Tao人ê社會裡，飛烏魚ê神聖勝過其他萬項代誌：
達悟人與飛魚的關係極為密切，而飛魚與大魚之家在天上之海，天神定時遣送飛魚與大魚自天上之海而來，供養達悟人。每年飛魚群在三月之間由南方抵達，七、八月分離去，復歸南方，而鰹、鮪等大型迴游魚類亦跟隨而至，釣此類大型魚，需要以飛魚作餌。由於自然條件與達悟人特殊的因緣，與飛魚有關的種種事務，其神聖性在傳統的達悟人社會中是凌駕其他一切事項的。（浦忠成，2007:198-199）
另外，平埔各族原住民因為語言大部分已經失傳、加上無文字記載，所以嚴重欠缺民族神話；這是khah可惜ê所在，mā thìng好講是台灣文化ê重大損失。
（二）自然人文ê多音交響
美國有一款人家厝開的旅客房間，包括早餐。
就是人家厝，有幾間空房，整理互伊舒適，招人來滯過暝，同時提供免費早餐。這款旅客房間叫作Bed＆Breakfast，我加伊號作早餐眠床。這款早餐眠床大概是戰後發展出來的，通常即款早餐眠床的主人是非常好客，是怹結交天下眾人的好方式。（胡民祥，2008:34）
「早餐眠床」這個名聽起來趣味koh好記，tī台灣便若tùa過「民宿」ê人，就知影這2種所在ê性質，事實上有淡薄仔相像 。毋過，筆者必須tī遮指出：台灣ê「民宿」hōo一般人ê感覺是價siàu貴、服務無夠週到ê歹印象；當然，這表示台灣ê相關行業iáu有tsiânn大ê進步空間，值得未來好好仔加強服務品質。讀〈去後山睏早餐眠床〉thìng好看出：對胡民祥來講，這條到「早餐眠床」ê路，suah ài行20冬才到位 。胡民祥kā tùa「早餐眠床」講是beh去探險，雖bóng khah hàm淡薄，不而過，除了高級旅館以外，想bē到連人家厝所經營ê細間旅社，台灣佮Hawaii mā有仝款ê style。
在雨娜魯魯的偎伊去去海墘大道向著樹婆仔，互我想起童年的樹婆仔。樹婆仔熱天花開，雨過日出有虹的時，一蕊一蕊佈滿樹欉，黃黃一簇，黃黃一簇，特別清美。（胡民祥，2008:83）
看胡民祥tī〈樹婆仔及土菝仔〉裡對樹婆仔ê美麗形容，的確是筆者毋bat見過ê樹欉，tī胡民祥ê記智裡，它確實存在tī 4、50冬前ê曾文溪墘。胡民祥tī遊覽Wailua River佮可愛島ê時，koh看著1林過1林ê樹婆仔，這種情景hōo伊感覺「樹婆仔已經在夏娃伊意生湠真久長。台灣的樹婆仔參夏娃伊意的樹婆仔敢有關係？」（胡民祥，2008:84）根據胡民祥ê推論，因為台灣是南島語族ê祖地，應當有一定程度ê關係。
椰子樹是南島語族共同植物ê其中1種。Bat讀過台大、生活tī「椰林大道」氣氛裡ê胡民祥，一生看過濟濟椰子樹。Tī〈人間天堂的族群〉裡，伊對Hawaii「偎伊綿亞」小鎮ê椰子樹有深刻ê描寫：
唯巴士頂看著的椰子樹，恐驚有七、八十尺高。長年無驚風拍，怹徛甲栽栽；生長需要的水分，經過七十尺，唯土裡傳送夠樹頂，真正有本事。怹的造形，一方面是真優雅真水，一方面是結構堅定。（胡民祥2008:96）
印象裡，tī台灣南部，特別是愈úa南pîng ê屏東地帶，椰子樹生了愈結實大欉，bē輸插入雲裡ê天然電火柱。胡民祥gâu用比喻、想像力驚人，伊竟然kā椰子樹當作是「建築師欲起柱、起樓仔厝的典範。」（胡民祥2008:96）
台灣人慣勢kā tùe國民黨渡海過來ê所謂「外省人」號做「老芋仔」。事實上，芋仔對現此時ê台灣人來講是極其平常ê食物，tī每一角勢ê菜市仔攏買會著。毋過，tī Hawaii人ê民族神話裡，芋仔是1項tsiânn重要ê物件，in號做Kalo。胡民祥〈人間天堂的樹木花草〉根據in ê神話有以下ê描寫：
天父及地母的第一後生死胎無活，埋落土，生出芋仔欉（kalo plant），也叫做Haloa，意思是永遠有脈喘氣。所以芋仔欉是神明的大囝（Hiapo），也是大地創造者男神（Kane）的身軀，芋葉參芋梗接著的所在叫做Piko（肚臍）。早年怹栽培出三百外款的品種，現在猶有87款品種。芋仔先煮熟，紲落去，拍互碎糊糊一團粘粘，怹叫做Poi（芋粿），是怹夏娃伊意民族求生的食品。（胡民祥，2008:122）
Ùi以上引文，thìng好知影芋仔對Hawaii民族文化ê重要性。除了頂面所講ê，食芋粿對Hawaii人來講，mā是1種重要ê生命儀式。就親像台灣人tī 29暝食長年菜仝款，有將1家人khoo作伙團圓ê意義 。
Tī〈尖山古戰場〉這篇散文裡，胡民祥講伊tiàm古戰場ê公園裡，看著規phiàn參台灣古早仝款野生ê鳥菝仔，hōo伊足siàu念ê。筆者囡仔時代mā有食過這款gâu放槍子、食起來芳芳koh khiū-khiū ê細粒菝仔。
古早六十年代進前的台灣土菝仔，就在古戰場出現。這款鳥菝仔細粒，雖然食落去，敖放槍子，但是味足芳，咬起來QQ，比起改良菝仔閣卡有風味。夏娃伊意人敖，用即款鳥菝作果汁，彼款粉紅色的果汁，就是阮騰雲駕霧時，空服人員捧互阮飲的，足芳的！（胡民祥，2008:135）
胡民祥遊覽茂宜古戰場，除了hōo伊想起1930年台灣霧社勇士參日本軍相戰，無輸茂宜島保鄉衛土ê勇士以外。Tī這tah koh發揮伊若湍流溪水ê想像力，「茂宜古戰場的菝仔那像有卡紅淡薄仔，唔知是唔是：古戰場的鳥菝吸著勇士的血？」（胡民祥，2008:135）這款想像力，kiám-tshái tsham落bē少ê欽佩佮同理心。
（三）台灣語文ê他鄉視野
Tī胡民祥ê《夏娃伊意紀遊》裡，除了bē少講著民族神話佮自然人文ê篇章以外，其實，筆者認為伊koh khah致重ê是台灣語文ê復興。這ùi伊濟濟文本內底，攏會寫著台灣語文發展ê人、事、物就thìng好了解。因為胡民祥知影，伊身軀頂所透濫南島民族ê語言已經失落，這佮現此時Hawaii人ê母語漸漸消失tsiânn仝款；所以，伊koh khah ài珍惜這陣iáu存在ê母語。
做一個台灣人，做一身南島語族的後代，我已經失去心靈裡一半的南島祖語，我唔甘佫失去另外一半心靈奧底的台灣話。所以，我誠珍惜母語台灣文，寫起文章一向道是以台灣話思維，筆尖自然道流出台語文的篇章。（胡民祥，2008:10）
就是這款對台灣語文ê深情，hōo胡民祥ê筆尖自然ti̍k寫出幾落篇tī Hawaii所tú著ê相關人、事、物。
1991年鄭良光tī美國創刊《台文通訊》，18冬來這份運動性ê台文刊物，tī海內外無停發行。1999年胡民祥去Hawaii參加第5屆世界台灣語文營 ，鄭良光正正是營隊ê主席。胡民祥tī〈鄭良光的台語世界〉裡，認為伊推sak台語文運動是採取立體ê做法：
以人為主体作第一度空間，以聲、口語作第二度空間，以光影、書面語作第三度空間。三度空間的立体觀是伊的特色，所以伊特別注重影視，就是伊真看重電影、電視、戲劇的角色，及怹對推動台語的功能。所以，今年在夏娃伊意舉辦第五屆世界台灣語文營，特別推出台灣電影介紹的時段，請來新生代學導演的李麗文。（胡民祥，2008:58）
看著鄭良光推sak台語文運動採取立體3度空間ê做法，筆者隨想著胡民祥tī寫文學評論ê時，mā定定運用作者、作品、讀者3度思維空間ê詮釋理論。其實，學理工ê胡民祥logic ê能力自然ti̍k phīng一般人khah強，所致伊一再tī無仝ê場合提起3度空間ê講法，一點仔to bē hōo人感覺意外。
胡民祥tī第5屆世界台灣語文營演講「台灣文學史觀」。伊認為台灣民族國家已經行到beh成功ê前夜，咱需要1個明確、樂觀、進取、做主人ê台灣文學史觀。胡民祥tī〈主權國家的台語文學觀〉指出當代史觀ê文學批評ē-tàng帶來進步、超越佮否定：
台語文學在語文形式上是超越否定華語及日語文學。否定是取代怹現在所掌握的主流地位，並唔是否定怹的歷史事實、存在、或是貢獻。事實上，怹攏是台灣歷史發展的遺蹟。不管你主觀願望偌無愛，怹攏是台灣文學的一部份。（胡民祥，2008:60）
以筆者ê理解，胡民祥是台文界內底，對台語文運動ê未來抱著樂觀看法ê少數人之一。不而過，伊是1位兼顧理想性佮現實面ê運動者，以上引文就thìng好證明伊參極其少數kan-nā huah口號、無顧歷史事實ê人無仝。伊絕對毋是無藥thang救ê浪漫主義者，伊是1步1跤印咧推sak台語文運動ê實踐者。另外，胡民祥ê〈少壯派的台灣語文觀及研究〉針對蔣為文tī台灣語文營演講「台語書面語e語言態度調查」作重點紹介：
1998年熱天伊專程去越南首都河內實地探訪，收集真濟資料。伊將見聞以圖片作中心，生動紹介越南人成功脫離漢字的過程。內底有真趣味的物件，親像雕刻漢字詩詞的廟柱也羅馬字化，過年的對聯也以羅馬字組合。共款的排列方式，由羅馬字取代漢字，在在顯示羅馬字的多樣性，嘛表現出越南人的創造性。（胡民祥，2008:69）
蔣為文對台語文字化ê態度是全然脫漢ê羅馬字主張者，尚且伊mā是研究越南文脫漢ê專家。不而過，伊參胡民祥相像，仝款是兼顧理想性佮現實面ê運動者，所以伊tī實踐ê時，只好暫時採取漢羅合用ê書寫方式。胡民祥tī現階段是全漢字ê主張者，毋過，伊無親像濟濟台語文工作者，便若tú著書寫方式無仝ê人，就互相tak kah流血流滴，顛倒剖心肝無私推介，這款腹腸確實值得眾人學習。
現此時擔任台灣師大台文所所長ê李勤岸，1992年ùi美國印地安那大學轉學到Hawaii大學讀博士班，接受語言學家鄭良偉ê指導研究台語文。1994年伊tī無閒ê課業以外，koh接受台獨聯盟美國本部主席蔡正隆ê邀請，擔任《台灣公論報》台文社論ê執行事工。胡民祥tī〈大目降的李勤岸艋舺〉這篇文章指出李勤岸對蔡正隆佮台文社論ê重要性：
有文學創作佫是台語文推動者的李勤岸拄好是伊上界適當的助手。李勤岸負責安排社論的寫作群，伊參蔡正隆共同在聯盟內底進行一場革命。因為聯盟內部有反對的聲音，認定社論不可用台語文，理由是：「台語文濟濟的人看無，失去社論的目的。」（胡民祥，2008:74）
Ùi遮ē-tàng看出：一般ti̍k hông認為是革命團體ê台獨聯盟，事實上內部有bē少人ê觀念是需要被革命ê。胡民祥tī這篇文章sùa落來ê所在，舉出伊ê頭1篇台文社論發表了後，就有中國人拍電話去報社罵伊，來反駁台獨聯盟內部保守者「台語文濟濟的人看無，失去社論的目的。」這款無理想性ê反動言論。另外，tī〈台灣語文的導師：鄭良偉〉這篇文章裡，胡民祥將鄭良偉佮戰後tī日本推sak台灣語文研究有重要貢獻ê王育德相比phīng，ē-sái講是對長期tī Hawaii研究台灣語文ê鄭良偉致敬ê文章：
台灣話雖然唔是南島語，不而過，伊是南島語的厝邊隔壁，嘛有濫著南島語的成分。鄭教授選夏娃伊意大學作伊研究的基地，相信亦有這層因緣佇內底的款。事實上，夏娃伊意大學是南島語研究的重鎮之一，主要嘛因為夏娃伊意語道屬於南島語。啊，南島語的祖地道是咱台灣，道是咱的平埔族祖先及高山族的語言。彼擺開講，我有問起台灣話內底有偌濟南島語的成分，這應該是誠有價值研究的項目。（胡民祥，2008:158）
頂面是〈台灣語文的導師：鄭良偉〉這篇文章內底ê煞尾話。Ùi遮佮其他濟濟篇章攏ē-tàng看出胡民祥無論人tī佗位，心肝內思思念念就是參南島語有相當牽連性ê台灣語文，伊未來ê發展佮前程。這mā是《夏娃伊意紀遊》這本台語旅行散文集上界特別佮值得珍惜ê所在。
四、話 尾
本論文主要ê議題是探討台語旅行散文ê比較文化觀，選擇ê文本是胡民祥tī 2008年11月出版ê《夏娃伊意紀遊》。胡民祥身為台美人，受台灣佮美國2款無仝文化ê影響攏不止仔深，伊ê身軀頂有台灣人純情、古意ê特質，mā有美國人重視民主觀念佮開拓pha-hng地ê精神。所以，伊前後5擺去屬於美國領土ê Hawaii旅行，所寫落來ê親身見證，ē-tàng成作tī後殖民ê情境下底，旅行文學所展現比較文化觀ê重要見本。
今天的旅行並不單是種「擴張」──欲望的擴張，生活經驗與知識的擴張──甚至可以是文明人反芻、尋根的過程。尋根、或渴望回到事物原點的衝動，隱藏於現代人的心靈深處，其實是人類最古老的「文化鄉愁」。（楊澤，1997:14）
胡民祥ê《夏娃伊意紀遊》，在筆者看來是文明人走揣根源、互相對話ê實錄。伊絕對無「擴張」任何物件ê欲望，有ê只是透過Hawaii ê萬事萬物成作借鏡ê理路。筆者透過「民族神話ê美麗哀愁」、「自然人文ê多音交響」、「台灣語文ê他鄉視野」這3種角度來分析胡民祥ê旅行散文《夏娃伊意紀遊》。觀看胡民祥ê濟濟篇章，內面ê文本不時流露伊特別重視台灣參Hawaii攏是南島民族重要基地ê歷史感情。借1句胡民祥ê話來講：「我是台灣人，佇我的心靈奧底，我按呢想：佇風土上、血緣上、文化上，夏娃伊意及夏娃伊意人參台灣及台灣人有誠密切的關係。」（胡民祥，2008:8）Kiám-tshái這就是藏tī胡民祥「心靈奧底」、oh得講出嘴ê「文化鄉愁」。
引用冊目
B.Riftin（李福清）。《從神話到鬼話：台灣原住民神話故事比較研究》。台中：晨 星，1999。
李依倩。〈在地的遊子／歸鄉的旅人：「台灣文學旅行系列」中時空交錯的地方幻影〉。《東華漢學》，no.5（2007.6）：213-255。
孟樊。〈旅行文學作為一種文類〉，《旅行文學讀本》。台北：揚智，2004。
林央敏。〈台語散文的文學化〉，《台語散文一紀年》。台北：前衛，1998。
林央敏。〈綿爛包含認真佮負責──踏《夜空流星雨》的話頭〉，《夜空流星雨》。 新店：開拓，2004a。
林央敏。〈大隻雞慢啼〉，《烏面舞者》。台南市台灣語通用協會，2004b。
胡民祥。《夏娃伊意紀遊》。新營：台南縣政府，2008。
胡錦媛。〈遠足離家──迷路回家〉，《臺灣當代旅行文選》。台北：二魚，2004。
胡錦媛。〈臺灣當代旅行文學〉，《臺灣旅遊文學論文集》。台北：五南，2006。
周憲。〈旅行者的眼光──從近代遊記文學看現代性體驗的形成〉，《旅行與文藝國際會議論文集》。台北：書林，2001。
施俊州。〈板橋郵政1-80號信箱〉，《賴和價值一千箍》。台南市立圖書館，2008。
浦忠成。〈神話與族群文化的牽涉：以雅美族為例〉，《被遺忘的聖域：原住民神話、歷史與文學的追溯》。台北：五南，2007。
陳宏淑譯。《知性之旅．夏威夷》。汐止：協和國際，2001。
許正勳。〈許正勳簡介〉，《阮若看着三輦車》。新營：台南縣立文化中心，1999。
張碧齡、張春凰、張麗昭。〈身在Swiss ｅ慢板〉，《三姊妹看世界》。新竹：時行台語文會，2007。
楊翠。〈返鄉的旅程──序張春凰《三姊妹看世界》〉，《三姊妹看世界》。新竹：時行台語文會，2007。
楊澤。〈在文明的邊緣流浪〉，《國境在遠方──第一屆華航旅行文學獎精選作品文集》。台北：元尊，1997。
應蕙芬。〈1990年代以降台灣旅遊現象文化意涵之探討〉。沙鹿：靜宜大學管理碩士在職專班碩士論文，2007。
羅智成。〈好的旅行，以及好的文學〉。《聯合文學》，no.167（1998.9）：95-97。
胡民祥ê《夏娃伊意紀遊》是台語文學史上重要ê旅行散文集。伊m̄-nā是頭一本個人創作ê旅行散文集，尚且規本冊36篇文章攏聚焦tī Hawaii。胡民祥khiā tī台灣參Hawaii平平是南島語族重要基地ê歷史感情，書寫兩款無仝文化ê比較佮對話。伊前後五擺去屬於美國領土ê Hawaii旅行，所寫落來ê親身見證，ē-tàng成作tī後殖民ê情境下底，旅行文學所展現比較文化觀ê重要見本。胡民祥ê《夏娃伊意紀遊》是文明人走揣根源、互相對話ê實錄，透過Hawaii ê萬事萬物成作借鏡ê理路。筆者以「民族神話ê美麗哀愁」、「自然人文ê多音交響」、「台灣語文ê他鄉視野」這三種角度來分析《夏娃伊意紀遊》。Kiám-tshái這本冊就是藏tī胡民祥「心靈奧底」、oh得講出嘴ê「文化鄉愁」。
關鍵詞：胡民祥、夏娃伊意紀遊、Hawaii、台語旅行散文、比較文化觀
一、踏話頭
1990年代了後，台灣時行一款新興ê文類──旅行文學。Beh講旅行文學進前，咱有必要先定義「旅行」這兩字。「旅行」ê英文一般ti̍k寫做「travel」，另外mā有人翻譯做「旅遊」 ；根據研究者孟樊ê看法，「旅行」佮「觀光」是無仝款ê活動 。其實，旅行文學自古以來就一直存在，西方上早ê旅行文學ē-tàng講是公元前800冬ê經典史詩《奧德賽》（Odyssey） ；毋過旅行文學成作學者注目ê文類是1960年代以後ê代誌（孟樊，2004:1）。中國上早ê旅行文學有可能是《周王遊行記》 。根據吳芳真ê研究，台灣上早ê旅行文學應當是郁永河ê《裨海紀遊》 ，而且，以現此時ê學術用語來講，這本有開創性ê經典，mā是一本「跨領域」ê重要文獻 。
1997到1999短短3冬，國內2大航空公司舉辦4擺旅行文學獎。其中，「華航旅行文學獎」相連續辦3屆，「長榮環宇文學獎」kan-nā tī 1998年辦過1屆；經過這4擺旅行文學獎ê鼓吹，對開發國內書寫旅行文學ê人口有tsiânn大ê幫贊，這ùi 4擺旅行文學獎收著ê投稿總量達到4586件，就量約ē-tàng看出來 。另外，1998、1999、2000、2005年，中國青年寫作協會、東海大學中文系、中山大學外文系、台中技術學院應用中文系，相連續舉辦佮旅行文學相關議題ê學術研討會 。Tī國內受學術界致重ê《中外文學》雜誌，mā分別tī 1997佮1999年製作「離與返的辯證（I）──旅行文學與評論」、「離與返的辯證（II）──女性與旅行」2個有關旅行文學ê專題（應蕙芬，2007:34），對鼓吹旅行文學研究有一定程度ê貢獻。
2004年，旅行文學研究者胡錦媛主編《臺灣當代旅行文選》，選錄16位作家ê 18篇作品，雖bóng遮ê作品只是濟濟旅行文學ê少數篇章，不而過有in一定ê代表性。
然而就在旅行文學定義莫衷一是的同時，臺灣的旅行寫作者已經以一己的修辭、觀點與敍事主體書寫旅行經驗，呈現旅行文學多樣的內涵與多種可能的寫作形式。這本文選中所收錄的便是近一、二十年來臺灣旅行文學寫作的試驗與成果。（胡錦媛，2004:9）
Tī入選ê 18篇作品內面，胡錦媛特別推薦舒國治被選入集內ê〈香港獨遊〉 ，詹宏志對舒國治ê另外1篇作品〈遙遠的公路〉koh khah呵咾kah會tak舌 。
Tī台灣，台語文學一向攏是邊緣ê 、弱勢ê文類，旅行文學自然無可能例外。本論文beh探討ê是台語旅行散文ê比較文化觀，以胡民祥ê《夏娃伊意紀遊》（台南市立圖書館，2008）做例。現此時台語旅行散文創作量khah濟ê有2位作家，胡民祥以外，張春凰mā是這方面ê多產者，特別是伊佮2位姊妹共同創作ê《三姊妹看世界》（新竹：時行台語文會，2007），是目前為止上大部ê台語旅行散文集；不而過，胡民祥ê《夏娃伊意紀遊》是唯一1本個人創作ê台語旅行散文集，而且集內收錄ê 36篇散文，所有ê焦點攏集中tī Hawaii（夏威夷）這個旅行聖地，有伊多元、豐富ê人文思考tī篇章內底轉se̍h。這就是筆者beh將這篇書寫台語旅行散文ê論文，鎖定胡民祥《夏娃伊意紀遊》ê起心動念。
二、戰後台灣旅行文學發展概論
Ùi頂面ê紹介咱thìng好清楚看出，1997年以後台灣ê學術界lūa-ni̍h致重旅行文學ê研究佮推廣。儘管現此時全世界經濟普遍無景氣，不而過，筆者相信未來旅行文學猶原會以各種豐富多彩ê姿態展現tī咱ê面頭前。
（一）華語旅行文學簡論
戰後台灣ê旅行文學雖bóng到1990年代才漸漸成作「顯學」，毋過，1950、60年代開始就有作家書寫這方面ê題材；親像鍾梅音ê《海天遊蹤》、陳之藩ê《旅美小簡》、《劍河倒影》等（孟樊，2004:20）。另外，仝時代ê徐鍾珮mā bat出版《多少英倫舊事》佮《追憶西班牙》這兩本旅行文學集。研究者張瑞芬將徐鍾珮佮鍾梅音列做女性旅行文學ê先行者 。
事實上，tī台灣iáu未解嚴、開放觀光ê年代 ，上受歡迎ê旅行文學作品是三毛ê《撒哈拉的故事》、《稻草人手記》、《哭泣的駱駝》、《溫柔的夜》、《雨季不再來》等。胡錦媛指出三毛旅行文學ê特色：
三毛突破遊記的傳統記實書寫方式，將人物、情節加以戲劇化，成就一種傳奇浪漫的色彩，但卻又因第一人稱「我」的敍事角度，使讀者誤以為她的作品是寫實的。臺灣當代一般旅行寫作大都失之於平實刻板，即使旅遊本身是豐富的，但卻缺乏適切的技巧來表達。就這一點而言，三毛的作品是值得參考的。（胡錦媛，2006:274）
近年來，台灣有關旅行文學相關議題ê碩士論文超過20本，其中有3本全然研究女性旅行文學 ，另外，iáu有幾落本濟少牽涉女性旅行文學ê書寫，ùi遮ē-tàng看出這幾冬女性旅行文學受重視ê程度。
2002-2004年之間，附屬tī城邦出版集團下底ê紅樹林文化，邀請包含現代詩、散文、小說在內ê 18位作家，相連續出版「台灣文學旅行系列」22本作品 ，這應當是戰後台灣文學史上最大規模ê旅行文學書寫。研究者李依倩指出，這22本在地旅行文學作品，因為引用官方文獻，使致大多數作品犯著前後書寫策略ê差異佮內容、情節、性質無連貫ê明顯欠點。（李依倩，2007:246-247）
雖bóng作家羅智成認為現有ê台灣旅行文學作品無夠成熟（羅智成，1998:95），毋過，無論安怎講，戰後台灣ê旅行文學作品已經濟kah規牛車，無法度tī有限ê篇幅裡1筆1筆列出來。頂面講過ê《臺灣當代旅行文選》，kan-nā選錄16位作家ê 18篇作品，雖bóng有相當程度ê制限佮編者主觀ê偏見，總是有伊一定ê代表性，透過「讀者閱讀的美感經驗也將使這些旅行寫作成為永久的珍藏品。」（胡錦媛，2004:12）
（二）台語散文ê旅行書寫
若照林央敏ê講法，戰後台語文學性ê散文ài到1987年才出現（林央敏，1998:17），安呢講來，頭1篇台語旅行散文mā絕對是1987年了後才出世。咱以台語散文產量豐富ê張春凰做例，伊ê頭1本台語散文集：《青春ｅ路途》（台北：台笠，1994），內面kan-nā 1篇旅行散文〈觀霧記遊〉；到伊ê第2本散文集《雞啼》（台北：前衛，2000），旅行散文增加到2篇：〈中晝ｅ布袋港〉佮〈95熱天記事〉；第3本散文集《夜空流星雨》（新店：開拓，2004）tsiânn tú好收錄3篇旅行散文：〈水沙連掠影〉、〈夜空流星雨〉、〈山頂ｅ星〉。林央敏呵咾張春凰ê〈水沙連掠影〉「吸收自然景緻佮人文氣味」（林央敏，2004a:4）。
Ùi頂面ê紹介，thìng好看出張春凰已經出版ê 3本散文集，kan-nā收錄6篇旅行散文，tī數量上來講有khah少淡薄。不而過，2007年伊參二姊張碧齡、小妹張麗昭合作出版《三姊妹看世界》，這擺伊將旅行ê眼界全然徙到國外。學者楊翠認為這本冊「思想密度高，是台語知性散文的典型。」（楊翠，2007:3）伊進一步指出成功ê旅行書寫ê要件，見證《三姊妹看世界》有仝款ê特點：
旅行書寫最重要、也是最動人之處，應是旅行者如何經由自我與他者的遭遇，通過對他者文化的觀察與體驗，反思自我文化、定位自我存在價值，重新認知、認同自我，重構「家」的意象，找到一條新的「返家」路徑。自我與他者的對話，正是《三姊妹看世界》一書最重要的區塊。（楊翠，2007:3）
設使《三姊妹看世界》親像楊翠所講ê hiah-ni̍h優秀，就準講無法度達到詹宏志所謂ê「硬派旅行文學」（hard-core travel narrative），beh成作「軟派旅行文學」絕對足足有tshun 。咱來讀1段〈身在Swiss ｅ慢板〉，印證頂面楊翠「自我與他者的對話，正是《三姊妹看世界》一書最重要的區塊。」ê重要評價：
真濟台灣人deh望想建立做一個瑞士ｅ模式，咱定定有距離去想zit款ｅ美夢，……所以瑞士人ｅ蘋果落di滿土腳，ma無人去拾！？落di土腳ｅ蘋果，無人拾ｅ心境，相對著hit當時台灣內在殖民ｅ困境。瑞士神射手William Tell痛恨當年奧國統治者總督Gessler「橫柴qiah入灶」欺壓人民ｅ拗蠻，刁故意糟蹋伊用箭射著親生後生頭殼頂hit粒蘋果，隨著神射手ｅ箭射破蘋果，ma射破sang勢ｅ鴨霸，同時射出民族意識ｅ光輝……（張碧齡、張春凰、張麗昭，2007:167）
除了張春凰，當該然iáu有bē少台語旅行散文ê書寫者。下底，紹介3位bat出版台語散文集、尚且集內收錄幾篇旅行散文ê作家：林央敏、許正勳、陳金順。
咱攏知影林央敏是ùi華語文學轉向台語文學ê創作者，伊ê頭1本散文集《第一封信》（台北：禮記，1985）仝名篇章bat得過「聯合報」徵文比賽首獎，tī彼個年代thang看出伊散文寫作ê功力。伊tī 2冬半ê時間出版4本華語散文集 ，毋過轉向台語創作了後，kiám-tshái將大部分ê khùi力用咧寫詩 ，所致kan-nā出版1本台語散文集《寒星照孤影》（台北：前衛，1996）。《寒星照孤影》集內收錄〈行過金仔城──九份紀遊〉、〈東北一角山水〉、〈夜臨大肚山〉、〈多湖城一日〉、〈太平名．不平山〉等5篇旅行散文。其中，〈多湖城一日〉寫伊去美國多湖城thit-thô，hōo伊聯想著故鄉牛稠溪ê情景，筆者認為這tah基本上符合頂面楊翠所定義成功ê旅行書寫ê要件。
許正勳38歲才開始文學創作，初開始寫華文，到52歲才轉向台文創作（許正勳，1999:27）。施炳華佮林央敏攏bat以〈大隻雞慢啼〉做標題為許正勳ê新冊踏話頭，呵咾伊種作台文田園ê拚勢精神 。林央敏bat表示「許正勳來寫台語散文可能比寫台語詩擱較適合。」（林央敏，2004b:9）許正勳收錄tī散文集《烏面舞者》（台南市台灣語通用協會，2004）ê旅行散文有〈蓬萊仙島〉、〈虎形山〉、〈後山台東〉、〈愛河夜遊想當年〉等4篇。林央敏呵咾〈蓬萊仙島〉是「非常好的台語散文」（林央敏，2004b:12）。
陳金順1995年開始寫作，一落筆就以台語創作文學，「堪稱以母語書寫自華文體制解放的作家典型 」，主要寫作文類是現代詩。伊佮林央敏、許正勳仝款，目前kan-nā出版1本台語散文集《賴和價值一千箍》（台南市立圖書館，2008），集內收錄：〈馬拉邦ｅ楓仔葉〉、〈彼工，風微微〉、〈雨水滴落黃金城〉等3篇旅行散文。施俊州為《賴和價值一千箍》寫ê序文有針對旅行散文提出批評：
旅遊散文一般來講是一種「軟弱」的文類，往往訴求景物的描寫；若m是高手，hainn bue掉詠物寫物的ue-sue筆路，甚至墜入有閒階級「山林文學」便套，變成資本主義論述的證據。在我看，遊記、旅遊散文是一種「危險」的文類，文學「下品」的生產機器。（施俊州，2008:31-32）
施俊州認為陳金順ê旅行散文「khah無tsit方面的問題，其中一個原因就是伊的散文m是單純記遊、是飽滿人事見解、歷史感想的文友交遊記錄。」（施俊州，2008:32）Ùi頂面ê概論ē-tàng知影，現此時台語旅行散文ê創作量iáu-koh tsiânn欠缺，tī當今世界thìng好講是1個地球村、旅行文學成作1種「顯學」ê時代；台語文學實在有必要擴充旅行書寫，加創作一寡有「飽滿人事見解、歷史感想」ê優質旅行文本；若按呢，林央敏、許正勳、陳金順等人行tī頭前ê少數幾篇旅行散文，的確ē-tàng講是1種美麗而且有意義ê存在。
三、《夏娃伊意紀遊》ê比較文化觀
Tī台文作家內底，胡民祥有伊參別人khah無仝ê特殊性。伊1967年出國留學，因為tī海外參與台灣人ê政治、文化運動，致使hōo國民黨政權列入烏名單，一直到1988年才初次踏入故鄉胡厝寮ê埕斗；了後，一再tī siàu念台灣ê鄉愁佮土斷美洲新天地ê矛盾裡滾絞。事實上，無論胡民祥按怎心悶故鄉，tī美洲生活3、40冬ê現實，hōo伊無法度huah斷就斷、講轉就轉 。因為胡民祥這款透濫台、美2國文化ê特質，使得tī伊所書寫ê文本裡，不時ē-tàng看著伊tī 2種無仝文化ê辯證裡得著某種程度ê tháu放。Tī《茉里鄉紀事》（台南：開朗，2004）裡是按呢，tī《夏娃伊意紀遊》裡mā是按呢。
一提到「夏威夷」，大家心裡馬上會浮出一幅美麗的畫面：靜謐的海灘；氤氳的雨林；煙霧繚繞的群山；令人目眩神迷的落日；以及人跡罕至的山谷中，如銀絲帶般閃亮的瀑布。在世界所有的旅遊勝地中，夏威夷絕對是最棒的選擇之一，不過，它的魅力遠遠超過人們既有的印象，它的美也絕不僅限於自然景觀。（陳宏淑譯，2001:15）
頂面「它的美也絕不僅限於自然景觀」確實有影，因為tī Hawaii誕生ê民族神話本身mā充滿美麗ê想像 。「Hawaii．夏娃伊意．夏威夷」，其實攏是指仝1個所在，分別是英語、台語、華語ê無仝用法。「夏娃伊意」這個台語翻譯ê外國地號名，kiám-tshái是胡民祥頭1個使用ê特殊符碼。《夏娃伊意紀遊》就是胡民祥ùi 1993年起，前後5擺去Hawaii群島行踏所寫36篇散文ê總成果。其實，胡民祥並毋是一開始就按算寫遊記，伊是1999年第4擺去Hawaii進前，才決定beh「徛著南島語族的觀點：來看所見，來寫所思。」（胡民祥，2008:9）He是因為「佇南島語族的傳湠裡，夏娃伊意人是上北爿的一個族群，時間上嘛是上晏的，差不多一千外年前才移徙夠夏娃伊意。所以，夏娃伊意人是台灣人的遠親。道是因為這層事實，互我產生真大的興趣……」。（胡民祥，2008:9）
咱攏知影，Hawaii現此時是美國ê第50州，毋過，公元1900年進前Hawaii是1個獨立ê國家 。（陳宏淑譯，2001:20-21）若以後殖民ê觀點，Hawaii的確ē-tàng講是1個被殖民ê受難地。頂面講胡民祥是khiā tī南島語族ê觀點來書寫《夏娃伊意紀遊》，既若安呢，伊當然是khiā咧殖民者ê對立面，這ùi伊去Hawaii旅行，koh思思念念tī台灣被殖民體制看輕ê台語文相關人事物，就ē-tàng看出內面ê mê角。這其中難免有「吊詭」ê所在，胡民祥雖bóng是台灣人出身，不而過，1967年了後，伊被環境所迫順其然成作一世ê美國人 。無論tī物質抑是文化上，第一代移民土斷ê過程需要khah久長ê時間 。所致，胡民祥ùi美國本土去仝款屬tī美國領土ê Hawaii旅行，suah khiā tī台灣ê觀點寫遊記，某種程度是ē-tàng hông理解ê代誌。
時間維度在旅行文學中常常會切入了歷史沉思的層面，構成旅行家自身的傳統時間層面與所到之處的當下時間層面的糾結，因而形成奇妙的、甚至令人眩惑的纏繞。從空間上說，從此一地到彼一地，空間的轉移不但有地理形態的驟變，而且有人文環境的巨大反差。……這必然產生一種對自己所屬文化及其身份的深刻體認和反思。（周憲，2001:405-406）
Ùi頂面這段引文參照頭前講著胡民祥透濫2款無仝ê文化身分，由伊所寫ê《夏娃伊意紀遊》的確符合本論文標題「比較文化觀」ê價值。下底筆者按算將《夏娃伊意紀遊》文本分作：「民族神話ê美麗哀愁」、「自然人文ê多音交響」、「台灣語文ê他鄉視野」等3部分來成作討論基礎。
（一）民族神話ê美麗哀愁
根據Russia出身ê漢學家B.Riftin（漢名李福清，1932-）ê研究，「神話」佮「傳說」事實上是無仝ê，in主要ê差別是：神話所描寫ê是創世紀佮史前時代ê故事，傳說所描寫ê是歷史時代ê故事；神話一般ti̍k佮信仰、儀式有關係，ah若傳說ê基礎是歷史事件。（B.Riftin，1999:39）下底咱beh看ê就是Hawaii ê民族神話：
火山女神佩麗千外年前，唯遙遠的南太平洋的大喜地，參兄弟姊妹歸家往北，駕著大隻艋舺，靠天星導航，駛向茫茫大海，見島插鐵針測火山岩漿的深濶程度，攏無滿意，一路北上，來夠夏娃伊意群島，先看著可愛島，鐵針一測，火山岩漿無夠怹家族爽。向東找去，胡亞夫島嘛是無夠看，茂宜亦是無夠大。最後相著茂宜隔壁的大塊島叫夏娃伊意，島上東南墘的活火山Kilauea有火山湖，滿滿燒燙燙的岩漿，鐵針一插無達底，誠互佩麗恰意，徛家厝底定。（胡民祥，2008:179）
Tī頂面這篇〈行踏火山坑窟〉講著ê火山女神「佩麗」，原文寫做「Pele」；佮Hawaii ê民族神話有難分難捨ê關係，甚至因為Pele來產生史詩Holomai Pele（航海者佩麗）。（胡民祥，2008:179）為著證明胡民祥ê描寫確實，咱來看1段紹介Hawaii冊裡ê敍述通好參照：「喜歡流浪的培蕾乘坐一艘由鯊魚神提供的獨木舟，從大溪地來到夏威夷。她在考艾島東方的尼好島上岸後，開始周遊各島，尋找一座適合定居的火山。唯一適合的就是大島。」（陳宏淑譯，2001:289）古早民族神話裡ê女神，kiám-tshái攏會有1段浪漫ê愛情故事，咱來看胡民祥tī〈淡水河口的神壇〉內面按怎描寫火山女神Pele ê戀愛古：
豬神追求火山女神佩麗，兩人也追也拍，怹相冤一世人。詩中有Puna地名，在Puna靠近海墘的所在，有一個地名叫做Ka-lua-o-Pele（佩麗海灣）， 神話傳說講是豬神參火山女神相好過的所在，因為當地的地形看起來：那像是兩人相好、相冤、相攬、相拍的形狀。（胡民祥，2008:93）
看起來毋是tsiânn Romantic ê款。筆者認為：風平湧靜抑是瓊瑤式「不食人間煙火」ê愛情，離人性傷過頭遠；顛倒是有衝突ê愛情，kiám-tshái會床頭拍床尾和mā無的確；神仙往往mā ài透濫寡人性，khah ē-tàng hōo世間人siàu念。「相好、相冤、相攬、相拍」ê形容實在有夠傳神。民族神話裡ê美麗女神，來到學理工ê胡民祥面頭前，除了「美麗」以外，koh khah有透濫文學想像佮現實經驗ê奇妙比喻，咱來看胡民祥按怎〈觀賞火山岩漿龜趖〉：
岩漿一流一徙一停一坐，各有姿態各有氣勢，各有身段各有風格。有時長長一條紅線那火尺，有時鈍鈍一團粘一團那成疊滿堆的柑色芷薑，嘛有時趖成一隻一隻的紅龜粿。古早五十年代我作囡仔時上愛食紅龜粿，現此時是可看不可食，嘛不可摸，因為一摸恐驚會變作送互女神佩麗的鳳爪。（胡民祥，2008:183）
Kā火山岩漿比喻做「柑色芷薑」佮「紅龜粿」這款前無古人ê傑作，恐驚mā只有胡民祥才想會出來。其實，胡民祥ê腦海內m̄-nā充滿浪漫ê想像，tī遊賞火山ê同時，伊mā致意Hawaii ê語言、文化。Tī〈探訪希羅〉裡，胡民祥進一步指出：
近年來，夏娃伊意意識提昇，其中上重要的一層是語言，參語言入去的文學。火山女神是其中一項重要的文化及文學資源，靠這款神話文學的重新生湠，是可以開拓夏娃伊意民族自我解放的力量。（胡民祥，2008:172）
胡民祥tī遮並無說明Hawaii民族自我解放ê力量，kám是指獨立建國 ？不而過，目前是美國第50州ê Hawaii，beh tī USA強大ê資本帝國主義下底獨立建國，恐驚phīng Quebec（魁北克）beh ùi Canada獨立ê困難度加kûan tsiânn濟。
以上胡民祥所寫關係火山女神Pele ê故事，毋管浪漫抑是奇幻，美麗抑是哀愁，攏是Hawaii民族神話重要ê部分。Ah若台灣ê民族神話，大體上流傳tī高山原住民各族一代傳一代ê口傳之間；Tao（達悟）是唯一靠海生存ê海洋民族，佮Hawaii民族ê生存環境比較ti̍k khah相像，根據專家、學者ê採集、研究，Tao族有相當豐富ê民族神話 ，特別是飛烏魚佮Tao人ê關係不止仔密切，tī Tao人ê社會裡，飛烏魚ê神聖勝過其他萬項代誌：
達悟人與飛魚的關係極為密切，而飛魚與大魚之家在天上之海，天神定時遣送飛魚與大魚自天上之海而來，供養達悟人。每年飛魚群在三月之間由南方抵達，七、八月分離去，復歸南方，而鰹、鮪等大型迴游魚類亦跟隨而至，釣此類大型魚，需要以飛魚作餌。由於自然條件與達悟人特殊的因緣，與飛魚有關的種種事務，其神聖性在傳統的達悟人社會中是凌駕其他一切事項的。（浦忠成，2007:198-199）
另外，平埔各族原住民因為語言大部分已經失傳、加上無文字記載，所以嚴重欠缺民族神話；這是khah可惜ê所在，mā thìng好講是台灣文化ê重大損失。
（二）自然人文ê多音交響
美國有一款人家厝開的旅客房間，包括早餐。
就是人家厝，有幾間空房，整理互伊舒適，招人來滯過暝，同時提供免費早餐。這款旅客房間叫作Bed＆Breakfast，我加伊號作早餐眠床。這款早餐眠床大概是戰後發展出來的，通常即款早餐眠床的主人是非常好客，是怹結交天下眾人的好方式。（胡民祥，2008:34）
「早餐眠床」這個名聽起來趣味koh好記，tī台灣便若tùa過「民宿」ê人，就知影這2種所在ê性質，事實上有淡薄仔相像 。毋過，筆者必須tī遮指出：台灣ê「民宿」hōo一般人ê感覺是價siàu貴、服務無夠週到ê歹印象；當然，這表示台灣ê相關行業iáu有tsiânn大ê進步空間，值得未來好好仔加強服務品質。讀〈去後山睏早餐眠床〉thìng好看出：對胡民祥來講，這條到「早餐眠床」ê路，suah ài行20冬才到位 。胡民祥kā tùa「早餐眠床」講是beh去探險，雖bóng khah hàm淡薄，不而過，除了高級旅館以外，想bē到連人家厝所經營ê細間旅社，台灣佮Hawaii mā有仝款ê style。
在雨娜魯魯的偎伊去去海墘大道向著樹婆仔，互我想起童年的樹婆仔。樹婆仔熱天花開，雨過日出有虹的時，一蕊一蕊佈滿樹欉，黃黃一簇，黃黃一簇，特別清美。（胡民祥，2008:83）
看胡民祥tī〈樹婆仔及土菝仔〉裡對樹婆仔ê美麗形容，的確是筆者毋bat見過ê樹欉，tī胡民祥ê記智裡，它確實存在tī 4、50冬前ê曾文溪墘。胡民祥tī遊覽Wailua River佮可愛島ê時，koh看著1林過1林ê樹婆仔，這種情景hōo伊感覺「樹婆仔已經在夏娃伊意生湠真久長。台灣的樹婆仔參夏娃伊意的樹婆仔敢有關係？」（胡民祥，2008:84）根據胡民祥ê推論，因為台灣是南島語族ê祖地，應當有一定程度ê關係。
椰子樹是南島語族共同植物ê其中1種。Bat讀過台大、生活tī「椰林大道」氣氛裡ê胡民祥，一生看過濟濟椰子樹。Tī〈人間天堂的族群〉裡，伊對Hawaii「偎伊綿亞」小鎮ê椰子樹有深刻ê描寫：
唯巴士頂看著的椰子樹，恐驚有七、八十尺高。長年無驚風拍，怹徛甲栽栽；生長需要的水分，經過七十尺，唯土裡傳送夠樹頂，真正有本事。怹的造形，一方面是真優雅真水，一方面是結構堅定。（胡民祥2008:96）
印象裡，tī台灣南部，特別是愈úa南pîng ê屏東地帶，椰子樹生了愈結實大欉，bē輸插入雲裡ê天然電火柱。胡民祥gâu用比喻、想像力驚人，伊竟然kā椰子樹當作是「建築師欲起柱、起樓仔厝的典範。」（胡民祥2008:96）
台灣人慣勢kā tùe國民黨渡海過來ê所謂「外省人」號做「老芋仔」。事實上，芋仔對現此時ê台灣人來講是極其平常ê食物，tī每一角勢ê菜市仔攏買會著。毋過，tī Hawaii人ê民族神話裡，芋仔是1項tsiânn重要ê物件，in號做Kalo。胡民祥〈人間天堂的樹木花草〉根據in ê神話有以下ê描寫：
天父及地母的第一後生死胎無活，埋落土，生出芋仔欉（kalo plant），也叫做Haloa，意思是永遠有脈喘氣。所以芋仔欉是神明的大囝（Hiapo），也是大地創造者男神（Kane）的身軀，芋葉參芋梗接著的所在叫做Piko（肚臍）。早年怹栽培出三百外款的品種，現在猶有87款品種。芋仔先煮熟，紲落去，拍互碎糊糊一團粘粘，怹叫做Poi（芋粿），是怹夏娃伊意民族求生的食品。（胡民祥，2008:122）
Ùi以上引文，thìng好知影芋仔對Hawaii民族文化ê重要性。除了頂面所講ê，食芋粿對Hawaii人來講，mā是1種重要ê生命儀式。就親像台灣人tī 29暝食長年菜仝款，有將1家人khoo作伙團圓ê意義 。
Tī〈尖山古戰場〉這篇散文裡，胡民祥講伊tiàm古戰場ê公園裡，看著規phiàn參台灣古早仝款野生ê鳥菝仔，hōo伊足siàu念ê。筆者囡仔時代mā有食過這款gâu放槍子、食起來芳芳koh khiū-khiū ê細粒菝仔。
古早六十年代進前的台灣土菝仔，就在古戰場出現。這款鳥菝仔細粒，雖然食落去，敖放槍子，但是味足芳，咬起來QQ，比起改良菝仔閣卡有風味。夏娃伊意人敖，用即款鳥菝作果汁，彼款粉紅色的果汁，就是阮騰雲駕霧時，空服人員捧互阮飲的，足芳的！（胡民祥，2008:135）
胡民祥遊覽茂宜古戰場，除了hōo伊想起1930年台灣霧社勇士參日本軍相戰，無輸茂宜島保鄉衛土ê勇士以外。Tī這tah koh發揮伊若湍流溪水ê想像力，「茂宜古戰場的菝仔那像有卡紅淡薄仔，唔知是唔是：古戰場的鳥菝吸著勇士的血？」（胡民祥，2008:135）這款想像力，kiám-tshái tsham落bē少ê欽佩佮同理心。
（三）台灣語文ê他鄉視野
Tī胡民祥ê《夏娃伊意紀遊》裡，除了bē少講著民族神話佮自然人文ê篇章以外，其實，筆者認為伊koh khah致重ê是台灣語文ê復興。這ùi伊濟濟文本內底，攏會寫著台灣語文發展ê人、事、物就thìng好了解。因為胡民祥知影，伊身軀頂所透濫南島民族ê語言已經失落，這佮現此時Hawaii人ê母語漸漸消失tsiânn仝款；所以，伊koh khah ài珍惜這陣iáu存在ê母語。
做一個台灣人，做一身南島語族的後代，我已經失去心靈裡一半的南島祖語，我唔甘佫失去另外一半心靈奧底的台灣話。所以，我誠珍惜母語台灣文，寫起文章一向道是以台灣話思維，筆尖自然道流出台語文的篇章。（胡民祥，2008:10）
就是這款對台灣語文ê深情，hōo胡民祥ê筆尖自然ti̍k寫出幾落篇tī Hawaii所tú著ê相關人、事、物。
1991年鄭良光tī美國創刊《台文通訊》，18冬來這份運動性ê台文刊物，tī海內外無停發行。1999年胡民祥去Hawaii參加第5屆世界台灣語文營 ，鄭良光正正是營隊ê主席。胡民祥tī〈鄭良光的台語世界〉裡，認為伊推sak台語文運動是採取立體ê做法：
以人為主体作第一度空間，以聲、口語作第二度空間，以光影、書面語作第三度空間。三度空間的立体觀是伊的特色，所以伊特別注重影視，就是伊真看重電影、電視、戲劇的角色，及怹對推動台語的功能。所以，今年在夏娃伊意舉辦第五屆世界台灣語文營，特別推出台灣電影介紹的時段，請來新生代學導演的李麗文。（胡民祥，2008:58）
看著鄭良光推sak台語文運動採取立體3度空間ê做法，筆者隨想著胡民祥tī寫文學評論ê時，mā定定運用作者、作品、讀者3度思維空間ê詮釋理論。其實，學理工ê胡民祥logic ê能力自然ti̍k phīng一般人khah強，所致伊一再tī無仝ê場合提起3度空間ê講法，一點仔to bē hōo人感覺意外。
胡民祥tī第5屆世界台灣語文營演講「台灣文學史觀」。伊認為台灣民族國家已經行到beh成功ê前夜，咱需要1個明確、樂觀、進取、做主人ê台灣文學史觀。胡民祥tī〈主權國家的台語文學觀〉指出當代史觀ê文學批評ē-tàng帶來進步、超越佮否定：
台語文學在語文形式上是超越否定華語及日語文學。否定是取代怹現在所掌握的主流地位，並唔是否定怹的歷史事實、存在、或是貢獻。事實上，怹攏是台灣歷史發展的遺蹟。不管你主觀願望偌無愛，怹攏是台灣文學的一部份。（胡民祥，2008:60）
以筆者ê理解，胡民祥是台文界內底，對台語文運動ê未來抱著樂觀看法ê少數人之一。不而過，伊是1位兼顧理想性佮現實面ê運動者，以上引文就thìng好證明伊參極其少數kan-nā huah口號、無顧歷史事實ê人無仝。伊絕對毋是無藥thang救ê浪漫主義者，伊是1步1跤印咧推sak台語文運動ê實踐者。另外，胡民祥ê〈少壯派的台灣語文觀及研究〉針對蔣為文tī台灣語文營演講「台語書面語e語言態度調查」作重點紹介：
1998年熱天伊專程去越南首都河內實地探訪，收集真濟資料。伊將見聞以圖片作中心，生動紹介越南人成功脫離漢字的過程。內底有真趣味的物件，親像雕刻漢字詩詞的廟柱也羅馬字化，過年的對聯也以羅馬字組合。共款的排列方式，由羅馬字取代漢字，在在顯示羅馬字的多樣性，嘛表現出越南人的創造性。（胡民祥，2008:69）
蔣為文對台語文字化ê態度是全然脫漢ê羅馬字主張者，尚且伊mā是研究越南文脫漢ê專家。不而過，伊參胡民祥相像，仝款是兼顧理想性佮現實面ê運動者，所以伊tī實踐ê時，只好暫時採取漢羅合用ê書寫方式。胡民祥tī現階段是全漢字ê主張者，毋過，伊無親像濟濟台語文工作者，便若tú著書寫方式無仝ê人，就互相tak kah流血流滴，顛倒剖心肝無私推介，這款腹腸確實值得眾人學習。
現此時擔任台灣師大台文所所長ê李勤岸，1992年ùi美國印地安那大學轉學到Hawaii大學讀博士班，接受語言學家鄭良偉ê指導研究台語文。1994年伊tī無閒ê課業以外，koh接受台獨聯盟美國本部主席蔡正隆ê邀請，擔任《台灣公論報》台文社論ê執行事工。胡民祥tī〈大目降的李勤岸艋舺〉這篇文章指出李勤岸對蔡正隆佮台文社論ê重要性：
有文學創作佫是台語文推動者的李勤岸拄好是伊上界適當的助手。李勤岸負責安排社論的寫作群，伊參蔡正隆共同在聯盟內底進行一場革命。因為聯盟內部有反對的聲音，認定社論不可用台語文，理由是：「台語文濟濟的人看無，失去社論的目的。」（胡民祥，2008:74）
Ùi遮ē-tàng看出：一般ti̍k hông認為是革命團體ê台獨聯盟，事實上內部有bē少人ê觀念是需要被革命ê。胡民祥tī這篇文章sùa落來ê所在，舉出伊ê頭1篇台文社論發表了後，就有中國人拍電話去報社罵伊，來反駁台獨聯盟內部保守者「台語文濟濟的人看無，失去社論的目的。」這款無理想性ê反動言論。另外，tī〈台灣語文的導師：鄭良偉〉這篇文章裡，胡民祥將鄭良偉佮戰後tī日本推sak台灣語文研究有重要貢獻ê王育德相比phīng，ē-sái講是對長期tī Hawaii研究台灣語文ê鄭良偉致敬ê文章：
台灣話雖然唔是南島語，不而過，伊是南島語的厝邊隔壁，嘛有濫著南島語的成分。鄭教授選夏娃伊意大學作伊研究的基地，相信亦有這層因緣佇內底的款。事實上，夏娃伊意大學是南島語研究的重鎮之一，主要嘛因為夏娃伊意語道屬於南島語。啊，南島語的祖地道是咱台灣，道是咱的平埔族祖先及高山族的語言。彼擺開講，我有問起台灣話內底有偌濟南島語的成分，這應該是誠有價值研究的項目。（胡民祥，2008:158）
頂面是〈台灣語文的導師：鄭良偉〉這篇文章內底ê煞尾話。Ùi遮佮其他濟濟篇章攏ē-tàng看出胡民祥無論人tī佗位，心肝內思思念念就是參南島語有相當牽連性ê台灣語文，伊未來ê發展佮前程。這mā是《夏娃伊意紀遊》這本台語旅行散文集上界特別佮值得珍惜ê所在。
四、話 尾
本論文主要ê議題是探討台語旅行散文ê比較文化觀，選擇ê文本是胡民祥tī 2008年11月出版ê《夏娃伊意紀遊》。胡民祥身為台美人，受台灣佮美國2款無仝文化ê影響攏不止仔深，伊ê身軀頂有台灣人純情、古意ê特質，mā有美國人重視民主觀念佮開拓pha-hng地ê精神。所以，伊前後5擺去屬於美國領土ê Hawaii旅行，所寫落來ê親身見證，ē-tàng成作tī後殖民ê情境下底，旅行文學所展現比較文化觀ê重要見本。
今天的旅行並不單是種「擴張」──欲望的擴張，生活經驗與知識的擴張──甚至可以是文明人反芻、尋根的過程。尋根、或渴望回到事物原點的衝動，隱藏於現代人的心靈深處，其實是人類最古老的「文化鄉愁」。（楊澤，1997:14）
胡民祥ê《夏娃伊意紀遊》，在筆者看來是文明人走揣根源、互相對話ê實錄。伊絕對無「擴張」任何物件ê欲望，有ê只是透過Hawaii ê萬事萬物成作借鏡ê理路。筆者透過「民族神話ê美麗哀愁」、「自然人文ê多音交響」、「台灣語文ê他鄉視野」這3種角度來分析胡民祥ê旅行散文《夏娃伊意紀遊》。觀看胡民祥ê濟濟篇章，內面ê文本不時流露伊特別重視台灣參Hawaii攏是南島民族重要基地ê歷史感情。借1句胡民祥ê話來講：「我是台灣人，佇我的心靈奧底，我按呢想：佇風土上、血緣上、文化上，夏娃伊意及夏娃伊意人參台灣及台灣人有誠密切的關係。」（胡民祥，2008:8）Kiám-tshái這就是藏tī胡民祥「心靈奧底」、oh得講出嘴ê「文化鄉愁」。
引用冊目
B.Riftin（李福清）。《從神話到鬼話：台灣原住民神話故事比較研究》。台中：晨 星，1999。
李依倩。〈在地的遊子／歸鄉的旅人：「台灣文學旅行系列」中時空交錯的地方幻影〉。《東華漢學》，no.5（2007.6）：213-255。
孟樊。〈旅行文學作為一種文類〉，《旅行文學讀本》。台北：揚智，2004。
林央敏。〈台語散文的文學化〉，《台語散文一紀年》。台北：前衛，1998。
林央敏。〈綿爛包含認真佮負責──踏《夜空流星雨》的話頭〉，《夜空流星雨》。 新店：開拓，2004a。
林央敏。〈大隻雞慢啼〉，《烏面舞者》。台南市台灣語通用協會，2004b。
胡民祥。《夏娃伊意紀遊》。新營：台南縣政府，2008。
胡錦媛。〈遠足離家──迷路回家〉，《臺灣當代旅行文選》。台北：二魚，2004。
胡錦媛。〈臺灣當代旅行文學〉，《臺灣旅遊文學論文集》。台北：五南，2006。
周憲。〈旅行者的眼光──從近代遊記文學看現代性體驗的形成〉，《旅行與文藝國際會議論文集》。台北：書林，2001。
施俊州。〈板橋郵政1-80號信箱〉，《賴和價值一千箍》。台南市立圖書館，2008。
浦忠成。〈神話與族群文化的牽涉：以雅美族為例〉，《被遺忘的聖域：原住民神話、歷史與文學的追溯》。台北：五南，2007。
陳宏淑譯。《知性之旅．夏威夷》。汐止：協和國際，2001。
許正勳。〈許正勳簡介〉，《阮若看着三輦車》。新營：台南縣立文化中心，1999。
張碧齡、張春凰、張麗昭。〈身在Swiss ｅ慢板〉，《三姊妹看世界》。新竹：時行台語文會，2007。
楊翠。〈返鄉的旅程──序張春凰《三姊妹看世界》〉，《三姊妹看世界》。新竹：時行台語文會，2007。
楊澤。〈在文明的邊緣流浪〉，《國境在遠方──第一屆華航旅行文學獎精選作品文集》。台北：元尊，1997。
應蕙芬。〈1990年代以降台灣旅遊現象文化意涵之探討〉。沙鹿：靜宜大學管理碩士在職專班碩士論文，2007。
羅智成。〈好的旅行，以及好的文學〉。《聯合文學》，no.167（1998.9）：95-97。
-
胡長松在5:55pm對2009 十月 19的評論
-
我感覺旅行散文嘛真有機會成做好的文學作品，看按怎寫。
我前一站讀Heinrich Böll寫的"愛爾蘭之旅"感覺真有意思，想足久矣，我過一站可能嘛會來寫寡"遊記"......
-
陳金順在8:21pm對2009 十月 19的評論
-
長松的想法誠健康，台文創作者phing我khah有旅行經驗的that倒街，向望逐家筆ka舉起來，寫出台語文學優質的旅行文學。
-
李秀在3:39am對2009 十月 20的評論
-
Wow! 一篇豐富的論述, 相信金順仔一定開袂濟時間收集資料參創作, 咱呢, ti 一點鐘內就吸收起來!
勞力! 知識是按呢用別人的智慧佮時門 提來矣.
-
-
李秀姊，多謝你毋甘嫌，寫了無好的所在請指教。這篇論文我確實開袂少時間，而且初稿佇今年四月初就完成。
意見
您必須是成員才能發表評論！
加入 台文戰線聯盟