陳金順的部落格 (23)
【歌詞】山風輕輕仔吹
由陳金順於2012 三月 10 9:43am添加 — 無評論
【台語短篇小說】29暝的火穎
大河仙就準講踞踮內籬仔嘛相像佮永過仝款，留短甲聽（thìng）好看著頭殼皮的三分仔頭，兩撇嘴鬚天生自然搭佇人中頂面，小可重絢（tîng-sûn）的目睭、略仔膨皮的面容，成做伊中年以後的標記。有一站，逐暝暗頓食煞，大河仙攏會共（kā）家後陳春枝面會的時交予伊的〈心經〉，佇心內暗唸兩、三遍，自伊慣勢按呢做了後，心肝頭的憂悶、鬱卒，總算逗逗仔得著某種程度的敨（tháu）放。
觀自在菩薩，行深般若波羅蜜多時，照見五蘊皆空，度一切苦厄。舍利子，色不異空，空不異色，色即是空，空即是色，受想行識，亦復如是。舍利子，是諸法空相，不生不滅，不垢不淨，不增不減。是故空中無色，無受想行識，無眼耳鼻舌身意，無色聲香味觸法，無眼界，乃至無意識界，無無明，亦無無明盡，乃至無老死，亦無老死盡，無苦集滅道，無智亦無得，以無所得故。菩提薩埵，依般若波羅蜜多故，心無罣礙，無罣礙故，無有恐怖，遠離顛倒夢想，究竟涅槃。三世諸佛，依般若波羅蜜多故，得阿耨多羅三藐三菩提。故知般若波羅蜜多，是大神咒，是大明咒，是無上咒，是無等等咒，能除一切苦，真實不虛。故說般若波羅蜜多咒。即說咒曰：揭諦揭諦，波羅揭…
由陳金順於2011 九月 28 9:56pm添加 — 無評論
被出賣的台灣
春天親像一幅詩
踮大目降的山路
無攬無ne
沿路飄散的Hapa
紅艷透枝的Isip
Kā虎頭埤粧kah可比
未出嫁的媠姑娘仔
He偎晝的Wagi
袂giàn佇樹跤秋凊
參人放伴綠谷
Siraya相會
無閒tshih-tshah的Uma
Ùi胭脂葉的故鄉
紮來九彎十八斡的熱情
茄冬坑的Aiam 展開歌喉
嶺頂春風吹來
一陣貴客
Sasat、Ruha、Turu……
滿山春色khah贏
一甌迷人的Whisky
後記：2010.3.13一陣詩友大目降行春。
──2010.3.25寫佇赤崁米街
2010.7《台文戰線》第19號
-----------------------------------------------
1.Mahapug ka… 繼續
由陳金順於2010 七月 16 11:55pm添加 — 無評論
Siraya少女的族群之眼
咱知影詠史詩是一款無好寫的文體，內面必須同時兼顧歷史的演義佮詩的本質。若寫了無拄好，往往會成做單純舖排歷史材料，一點仔都無詩味的分行，這款顯例台語文學在來無缺欠。方耀乾是少數寫過詠史詩的台語詩人，伊的〈我是台窩灣擺擺〉（《方耀乾台語詩選》，台南：開朗雜誌，2007）嘛是台語文學裡少數予筆者印象khah深刻的詠史詩。我會按呢講，是伊這首詩佇2000年發表彼當時，台語文學裡猶罕得出現詠史詩，第二個理由是〈我是台窩灣擺擺〉是到目前為止極其少數以平埔族做主體的台語詠史詩。
〈我是台窩灣擺擺〉的詩行攏總116 tsūa，分做九段。第一段以「？」開頭，第九段以「？」結尾收束；若無觀前顧後的讀者，減采會認為作者是咧kā眾人裝痟--的，家己都毋知答案矣，閣牽kah lò-lò長；其實，只要將這二段平平9… 繼續
由陳金順於2010 五月 6 11:14pm添加 — 無評論
【台語詩】Siraya生態誌
由陳金順於2010 一月 25 12:13pm添加 — 無評論
【評論】海洋島嶼現代詩
2008年攏總有四位蹛佇高雄的詩人出版台語詩集：胡長松的《棋盤街路的城市》（2008.5府城舊冊店）、林姿伶的《海》（2008.9白象文化）、張德本的《泅是咱的活海》（2008.10筆鄉書屋）佮陳秋白的《綠之海》（2008.10宏文館）。這四本詩集有一個共同的特色，in若毋是將「海」掛踮冊名頂頭，就是佇詩篇內面充滿海洋的氣味。比論講：林姿伶的《海》，確實親像冊名頂懸顯明的標記，規本詩集45首詩，全部攏咧寫海，伊的海基本tik是偏向寫實的；ah若陳秋白的《綠之海》，47首詩內面拄好超過一半24首有寫海，另外11首寫著佮「海」有牽連的「島」、「湧」、「河」、「港」、「水」、「溪」等意象，伊的海除了寫實以外，閣khah濟是經營意象的傑作。
陳秋白佇《綠之海》的封面拗頁安呢簡單紹介家己：「1963年生，台南馬沙溝西拉雅平埔族裔台灣人。2005年起任高雄市掌門詩學社社長；專事台語現代詩寫作佮文學翻譯。」掀開這本詩集，咱會當看著大約三分二（31首）的作品，原底是用華語（照創作年箇順序排）所創作，全部攏佇2008年翻譯（抑是改寫… 繼續
由陳金順於2010 一月 13 7:54pm添加 — 無評論
【台語詩】阿里山斷路
Morakot kā小鐵枝路
拆kah碎骨分屍
斷路的記智
常在踮更深夜靜的
月暝
斷路
月外日
日頭總是佇烏雲裡
匿鬚
阿里山路彎彎斡斡
一丈裂九尺
回鄉的路
Phīng去外太空閣khah
迢遠
──2009.9.23寫佇赤崁米街
2009.11《台灣文學館通訊》第25期
由陳金順於2009 十二月 31 11:57pm添加 — 無評論
【台語詩】風聲水影
Morakot tsàm破咱兜戶碇
陷眠，眾人著驚tshuah青屎
走會離的，走kah噴跤脛
走袂離的，埋咧塗石山底
風咻咻吼，每點鐘
走幾十公里
吹破嘉南平洋
吹thàng中央山脈
雨雄狂siàn，每小時
落幾百公釐
淹滿田園厝宅
淹死豬鴨魚蝦
Tsiah-ni̍h驚天動地的屈勢
這款揣死哭無爸的著災
此去，聽著風聲
看著水影，的確
長暝厚惡夢
──2009.9.11寫佇赤崁米街
2009.11.30《掌門詩學》季刊57期
由陳金順於2009 十二月 31 11:35pm添加 — 無評論
【台語詩】淡水醉囉
佮燒酒仙乾杯
你講：酒改毋好
摜一罐台灣麥仔
將淡水暮色唱到嗖聲
真理的鐘聲
不時踮耳孔鬼仔響起
你kā台灣文學的福音
紮咧南北奔波的飄浪裡
久年生鉎的小說彩筆
交落佇拋荒的草埔
四枝釘仔釘落才知輸贏
你四季如春的好笑神
較贏彼張薄釐絲的博士證明
一鞠躬、二鞠躬、三鞠躬
你沙瞇沙瞇的眼神
匿佇四角格仔裡微微仔笑
憨子弟，目屎拭拭咧
作陣來去馬偕墓園
Kā淡水啉乎醉茫茫
後記：獻予文學家陳恒嘉（1944-2009）。
──2009.3.29寫佇赤崁米街，阿嘉紀念追思會進前。
2009.11.30《掌門詩學》季刊57期
【台語詩】研究室
冷風吹袂入
消息傳袂入
朋友揣無伊
同窗看無伊
老師望無伊
一堆冊本 喚
二蕊目睭 寫
期尾報告
──2009.1.24寫佇赤崁米街
2009.12.5《台灣時報》副刊
由陳金順於2009 十二月 10 10:04pm添加 — 無評論
【詩評】一枝詠史詩的健筆──小論柯柏榮〈赤嵌樓的情批〉
柏榮兄有一首無收踮冊內的百外畷長詩，有歷史感的滄桑氣味，ùi這首詩我閣較會當肯定家己的眼光無歪tshu̍ah。予伊自由的時間佮空間，我有信心，未來台語文學的花園內面，柯柏榮定著會開出一蕊閣一蕊的芳花。
頂面所講著的「百外畷長詩」，就是佮《赤嵌樓的情批》仝名的詠史詩〈赤嵌樓的情批〉。柯柏榮為著參加第四屆海翁台語文學獎，kā原詩改做98畷符合參賽資格，落尾因為「佇結構上控制kah真完整，渾然天成，除了詩人的用心費神，咱嘛感受著伊寫詩的天份。」（評審李勤岸語）得著彼屆詩類第一名。下底關係〈赤嵌樓的情批〉的事項，全然以得獎版本為主。
便若對詩內行khùi的人攏知影，設使詩藝無夠，詠史詩寫到後來，往往會成做干單有「歷史」無「詩」、白汫無味的一畷一畷分行。這款物件，佇… 繼續
由陳金順於2009 十月 29 7:22pm添加 — 無評論
台語旅行散文ê比較文化觀：以胡民祥ê《夏娃伊意紀遊》做例
胡民祥ê《夏娃伊意紀遊》是台語文學史上重要ê旅行散文集。伊m̄-nā是頭一本個人創作ê旅行散文集，尚且規本冊36篇文章攏聚焦tī Hawaii。胡民祥khiā tī台灣參Hawaii平平是南島語族重要基地ê歷史感情，書寫兩款無仝文化ê比較佮對話。伊前後五擺去屬於美國領土ê Hawaii旅行，所寫落來ê親身見證，ē-tàng成作tī後殖民ê情境下底，旅行文學所展現比較文化觀ê重要見本。胡民祥ê《夏娃伊意紀遊》是文明人走揣根源、互相對話ê實錄，透過Hawaii… 繼續
【南瀛文獻】補記鄉史／鄉史補記
摘 要
現此時蹛佇加拿大的醫生作家陳雷，自出世到今有豐富的人生經驗，雖罔踮佇他鄉徛起，不而過，伊ka對故鄉的深情愛戀透過天生的小說家彩筆，一字一字刻劃台灣的身苦病疼。無論是二二八、白色恐怖、環保議題、社會事件，抑是平埔族揣根探源的歷史書寫，佇陳雷的筆尖下底，攏是活靈靈的人間眾生相。特別是書寫Siraya被滅族到走揣認同過程的台語長篇小說《鄉史補記》，被專家學者認為是台語文學的大河小說佮一座路觀牌。陳雷透過小說實踐伊對永遠的故鄉的愛佮支持，比喝一百句愛台灣口號閣較堅定、真實。
關鍵詞：陳 雷、鄉史補記、台語小說、平埔族、Siraya
一、踏話頭：走揣Siraya的根源
十九世紀初，ti 台灣縣善化里西堡大內（tsit-mai 台南縣大內鄉大內）附近有一个漢人設防e隘口，內面有 Si-la-iah （Siraya）人作隘丁顧蕃界。
Tsia e Si-la-iah… 繼續
由陳金順於2009 十月 15 8:53pm添加 — 無評論
【台語詩】豬砧
殘殘切一塊半斤八兩的三層肉
搵豆油mā食kah流喙瀾的胡蠅
佇股票市場颺颺飛的婦仁人
予營養午餐食偆菜尾的奧巴桑
佇房間仔底予狗鞭sut kah憂頭結面的老歲仔
攏總日頭赤炎炎
予春裡38度半的寒流
吹kah哀爸叫母
歸去塗州賣鴨卵
──2009.2.11寫佇赤崁米街
2009.8.31《掌門詩學》季刊第56期
