陳金順的頁面

（父）

彼年你猶未度晬

猶是毋知世事的年歲

人咧講七坐八爬

你紅紅幼幼

拄好置土腳咧學爬

彼時山風輕輕仔吹

光頭白日我駛車經過

看你置遐玲瓏踅

毋甘你受傷　風寒來陪綴…

山風勻勻仔吹

絞起幾片焦湅（lian）的樹葉仔

秋裡的天加添淡薄仔

詩意

這時

鳥隻歇踮樹椏頂

唧唧啾啾

袂輸咧合唱浪漫的情歌

海鳥以飄撇的速度

展開曠闊的視野

飛過藍白相濫的湧鬚…

　　大河仙就準講踞踮內籬仔嘛相像佮永過仝款，留短甲聽（thìng）好看著頭殼皮的三分仔頭，兩撇嘴鬚天生自然搭佇人中頂面，小可重絢（tîng-sûn）的目睭、略仔膨皮的面容，成做伊中年以後的標記。有一站，逐暝暗頓食煞，大河仙攏會共（kā）家後陳春枝面會的時交予伊的〈心經〉，佇心內暗唸兩、三遍，自伊慣勢按呢做了後，心肝頭的憂悶、鬱卒，總算逗逗仔得著某種程度的敨（tháu）放。



　　觀自在菩薩，行深般若波羅蜜多時，照見五蘊皆空，度一切苦厄。舍利子，色不異空，空不異色，色即是空，空即是色，受想行識，亦復如是。舍利子，是諸法空相，不生不滅，不垢不淨，不增不減。是故空中無色，無受想行識，無眼耳鼻舌身意，無色聲香味觸法，無眼界，乃至無意識界，無無明，亦無無明盡，乃至無老死，亦無老死盡，無苦集滅道，無智亦無得，以無所得故。菩提薩埵，依般若波羅蜜多故，心無罣礙，無罣礙故，無有恐怖，遠離顛倒夢想，究竟涅槃。三世諸佛，依般若波羅蜜多故，得阿耨多羅三藐三菩提。故知般若波羅蜜多，是大神咒，是大明咒，是無上咒，是無等等咒，能除一切苦，真實不虛。故說般若波羅蜜多咒。即說咒曰：揭諦揭諦，波羅揭…