台文戰線聯盟

王立信的部落格 (116)



嗡嗡嗡 採花一隻蜂 飛懟東
嗡嗡嗡 採花兩隻蜂 飛映西
嗡嗡嗡 採花三隻蜂 飛夠南
嗡嗡嗡 採花四隻蜂 飛去北
嗡嗡嗡 採花歸陣蜂 拼出籠
嗡嗡嗡 有的惦內底 有的去作工
蜂沒閒 無閒蜂
內內外外相接應
作工養飼照配置
採得花蜜轉來岫
挺好舒適飼幼蜂
採花嘛著惜花叢
照天理佗上穩當
互 年年百花照常開
樹木攏結好果子
起造 岫勇固 簡單閣輕鬆
免驚風搖動
對敵若肖想偷提阮
辛苦流汗甜蜜芳
阮的確爲「義」袂得顧
針伊針恰走沒路
蜂死爲岫犧牲
人講蜂死名嘛芳
蜂留名 死嘛芳
緊留芳名惦世間
咱著為台文鋪設一字戰線
親像彼蜂岫 彼岫蜂。
咱定著佗作,作;作工兮蜂。

王立信於2010 一月 17 8:30pm添加 — 2 篇評論

誰釋解;「不可說」兮雲

誰釋解;「不可說」兮雲

靜 集結 無界 抽象
筆彩係多餘捕掠 手繪兮眼波追趇
浮光掠影 緩緩慢慢
雲 古樸新意 白白的誕生

歌吟
天藍藍兮天 布暮色版
唆使 浪濤湧沫的 擺搖 激動
幼砂隱藏著 貝質彼即般圓滿
海灘墘 無際無邊的編織
招潮蟹仔群 函數式
起築 鍵鏈民宿
獨孤的舢舨;
竹筏仔嗎更試生活以外 閒仙兮遊客
看怹胡亂消費的臉腔;
連蹤便所佗顯明趕狂
親像 逃難的王;
記智內底兮疆界不曾佔有的版圖

路邊 隨意展姿兮百合野花
透過風姨輕輕柔柔兮宣告講
「不可說」 袂倘明示的雲
欣欣然暢飲 生佮死兮循環
酸甜苦澀的 活命生機

王立信於2010 一月 17 8:30pm添加 — 無評論

普吉島! 再會

普吉島! 再會



量測這傍到彼傍兮距離

乘風的氣流算起

天有外高 經緯度 量約仔參考

早佗算好啦的跑道

自雲端的點起跳 映西南傍飛行

用六十分鐘乘四減一個時差的熱情

唯關宻細細的窗仔口 心悶南國兮光景

兩爿翅股尾小可顫動嗎咧傾訴

柔軟的棉雲幼仔 亦懶懶四界歡迎傳報



像戀人渴望深情交會兮目睭仁

彼落長頭鬃 隨風飄浪的沙龍

35°C攝氏情懷 椰影怎倘愈沁涼消受

閣恰無嗎 大大來吸一喙我

抑是吃清白的我兮肉

沾酸沾甜珍饈異果 願得遍遍試乎乾

徘徊惦熱帶雨林 欣賞溫猛蟲獸

律動參差佇休閒之中 浮潛漫遊



揉合原始風情佮流行兮巔峰

真實隱藏著虛幻 夢的感受

就連盛譽不衰的人妖秀 嘛以歡樂之姿

嬈嬌兮愁演著 以假亂真的身世

破浪乘舟 處處海上屏風

鶴立惦佇浪靜無波的 印度洋風

佗準講有寡採購… 繼續

王立信於2010 一月 15 10:46pm添加 — 3 篇評論

意見領袖

意見領袖

難產麼!七孔糾結
互人目睭金金人傷重. 真正有影
佗全然熟練調息. 喘喟的節奏抑。
吸氣,吐氣。吸氣,吐氣。
怎樣哀嚎兮聲嗽這呢悽慘

陣陣催生的門縫裡嘖嘖哀疼呀
超音波點出胎位兮出口的緊迫
兩指縫.三指縫.四指縫……
猶原佇順其「自然」抑是剖腹
急!不急?兮中間咧匿相揣
兩造鮮明的戰鼓惦私底下嗷嗷唸
創啥碗糕猶閣心頭袂定 .連風也亂了旗

油飯佮紅蛋 .生囝應該是好事即件吧
啥!怎樣劇演作DNA驗明正身兮下場
誰是「始作俑者」
誰攏毋敢正面偷眼嬰仔兮膚色
無的確 妥協也算袂「嫫」兮平反
有奶佗是阿娘
佗是上「好」兮選擇

王立信於2010 一月 5 11:00pm添加 — 2 篇評論

劉信宏.周涵意婚禮觀想

劉信宏.周涵意婚禮觀想

子中執事碧玉姐 育子成材結連理
姻緣透天喜 真理匟地基
信宏英才似大衛 嬌娘涵意貌西施
誓約海不枯 證婚掛手指
夫曲婦琴誠舒適 信仰路頂眛稀微
祝福沒創治 相唚小代誌
聖樂音聲柔響起 謳咾讚樂唱袂離
長老歸菜市 牧師三畚箕
擠擠陣陣仝歡喜 宴飲樂師拚手技
父母了卻心懷掛意 叮嚀百般喉管滿哽
總是翅股硬 雙飛順天理
今後小心照顧家己 擔負家庭營造密甜
有閒時常轉來 阿爸惦厝想恁
條件佇茲附帶 唔通鴨仔聽雷
閒閒趁早歇睏 明年緊生紅嬰
金孫阿公抱蹉跎 抱煞捨互阿嬷腰



註:彼日佇東門教會參加劉子忠執事大公子信宏君佮涵意小姐兮婚禮,鬧熱非凡,因此用即篇趣味閣淡薄博吉兮筆調作為恭賀兮意思。

王立信於2010 一月 5 10:19pm添加 — 1 篇評論

速記

速記

尤其
密紋仔笑兮酒窟仔,
劃過------
青梅竹馬的面龐。
撿採是速記閃過伊兮
眼;
耳;
鼻;
舌;
身;
意;上歹溜掠兮……
白鬢邊;半百了後倏一下的腦海,
啊呀呀呀呀! 青梅竹馬,
阿娘喂。

王立信於2010 一月 5 10:02pm添加 — 無評論

【當阮睏佇搖笱內】

【當阮睏佇搖笱內】



【當阮睏佇搖笱內】猶是嬰仔兮時袸.睏飽啦醒來了後,迷迷茫茫展開猶咧憨眠的目睭,看見著厝脊樑兮頂懸層層疊疊波浪形體兮紅瓦片,霎瞇去兮兩蕊目睭連鞭慢慢仔愈來愈精神。斟酌相著瓦片搭岸著瓦片.佇匿縫兮中間親像有藏著幼幼細細;透光圓點濟濟兮空縫款勢,鬥陣變成濟濟條趨趨斜斜兮光束,以多角度兮形式投射佇厝內逐角落。佇壁牆面頂、惦佇土跤;袂輸放捨久年失修老舊廢棄兮舞台,它兮老舊更較像是按耐不住寂寞、年華老去兮藝師,用虛華浮腫的體態肖想欲追揣自早彼份美麗青春兮形影。抑毋過.透射出來兮線光,閃爍著微微光兮塵埃,飄忽不定的挾擠佇光兮圓柱斗裡,實在互人毋敢放心誠爽快底喘喟呢。深驚這落飄光的微塵愈即無細膩佗夆吸入去肺部深長恐惶兮迴廊裡,然後煞勻勻仔累積.咧累積啊。



阮置底睏兮所在,拄好是阿爸做工課時袸的豆腐間。豆腐間裡總是不三時充滿著浸泡了後兮黃豆;輾絞成作漿白牛乳色.糊糊粘黏的臭莧味,阿母工課時為著就近方便照顧阮,佗凊采將阮匟佇角落邊邊仔兮搖笱內,沒閒兮時袸阮翻身乾旦看著阿母自將黃豆一桶一桶絞好勢兮白漿倒入去前仔佗綁好勢;半人胸坎吊懸兮打十字形兮… 繼續

王立信於2010 一月 3 8:07pm添加 — 無評論

當我睡在搖籃裡

當我睡在搖籃裡



襁褓時… 繼續

王立信於2009 十二月 8 9:15pm添加 — 2 篇評論

見肖及得勝【信仰詩】

見肖及得勝



來!

將得勝迎旨 見肖趕離

著迫切仰主宣告

聖潔的火把

灼清氣 心靈的垃圾

化做 陣陣 淡淡 塵煙

當恩典臨到 儆醒係

唯一的倚靠 永活的箴言



致到跋倒的壞念

像粘濁的莫壁鬼

目睭撥金金 惦惦肖想你

置沉迷得勝歡喜的時

情慾就晟做罪的新屍

新屍愈假藉軟疵的心神 還魂

你若一面用 天國純真的盼望

包裝著掠住世間致意的留戀

按呢!閣卡包裝 嘛是見肖



到彼時 那欲閣聽候上帝

施落救恩的甘霖

不知欲等甲置冬時

見肖的臭酸味 著用

加倍痛悔的消毒藥水來掃除

真正是了力閣費氣!



後記:榮耀主上愛 恩典隨底到

腳步若定著 直行透天路

情慾覓貪戀 思念著正當

見肖走去藏 得勝在眼前

求主 保守 幫贊 扶持 軟弱的心靈

賞賜 剛強 溫柔 忍耐… 繼續

王立信於2009 十二月 6 8:00pm添加 — 1 篇評論

我的見證:談兒子與奴僕的兩樣心情【信仰詩】

我的見證:談兒子與奴僕的兩樣心情



早前真失落 感覺家己真無辜

毋情願是罪的奴僕

想脫離嘛沒法度

受盡欺凌 自甘墮落

追求短暫的宴樂

麻醉心靈的枯乾

做什麼代誌 連家己嘛看無

叫天天不應 叫地地袂靈

一粒碎碎的心肝愈畏冷

怨恨我親像外表媠媠的爛蘋果



誰叫阮 八字輕落土

豈是細漢床母做記號

可嘆前世作歹代 奔波坎坷歸路埋

往生西方毋敢仰 救苦觀音罔過頓

般若心經背透透 金剛舍利唸來鬥

柴頭手刻囥厝內 引鬼入宅無人知

厝內大小袂平和 祇好

抽籤卜卦 通靈兼算命

總是 吵吵鬧鬧 雞飛狗跳

疑神疑鬼 著驚失神

親像一粒六神無主的破甘祿

拖土玲瓏搞

天啊!地啊!號遐飯累

奴僕的心情!… 繼續

王立信於2009 十二月 6 8:00pm添加 — 無評論

真理追尋:如是我聞【信仰詩】

真理追尋:如是我聞

浩然正氣 沛塞蒼冥
如是 格物致知
修身齊家 保身明哲
豈求兼善天下
(自顧不暇)


修爐煉丹 意守丹田
如是 通關達竅
逆者成仙 太虛神遊
更待一心不亂
(萬中取一)


三千大千 恆河沙數
如是 百千萬劫
六道輪迴 涅槃無期
佛曰孰不可說
(天方夜譚)


叩門就開 尋必得著
如是 白白恩典
因信稱義 天國享樂
依聖靈重頭生
(固守救恩)


毀壞城牆 靠主重建
起造尊嚴聖殿
公平社會 地上人間
榮光歸主上帝
(哈利路亞)

王立信於2009 十二月 1 8:53pm添加 — 無評論

星空傳說

星空傳說

每一工……
高雄 天頂尾溜的暗冥
孤獨月娘 獨撐空茫夜色
上弦月 下弦月 左弦月 右弦月
…………。像十八銅人陣

豈毋是講好了欲相互輝映麼,小星星
那愈攏趖懟庄跤去消涼渡假嗎?
怎倘忍心做恁漩溜去;
全閃無看矣…創啥貨干旦
偆留一兩粒仔行毋知路兮值底陪我
無定是有情誼相挺的意思在吧

留我惦佇虛微孤高
煙塵瀰漫的夜空…
俯瞰 熙來嚷往 人潮車陣 車陣人潮
咳咳咳咳咳咳……。

創啥貨;恁老兄咧。

王立信於2009 十一月 19 10:00pm添加 — 無評論

如果【信仰詩】

如果

如果「業」是罪
「障」佗是毋信的代價
驕傲帶來敗壞的「輪迴」
「無明」晟做撒旦欺騙的詭計
善念不等於公理
正氣毋是公義
修行袂愈得救
道德並非真理
聖神那欲要做工
做人輕輕鬆鬆
痛悔上界穩當
順服真有仰望
耶穌是咱典範
毋識上帝可憐蟲
聖誕鐘聲響起
教會相疼歡喜
雖莽有時星光 有時月圓
總是認真行過
聖誕鐘聲響起
耶穌出世嗎已經2009年

王立信於2009 十一月 14 8:30pm添加 — 無評論

台灣我欲為你唱一首歌

我欲為你唱一首歌 台灣
台灣台灣 山河美麗
人情誠有味 義理界分明
山崎嶺高 溪水涼透心
稻穗飽滿 隨風搖動
種花飼魚 隨在家己
泡茶破讀 在你喜歡
置咱兜門口埕大家自由
雞鳥叫啼 討食做岫
兄弟合和 攏有連絡
厝邊頭尾 互相招呼
住民疼惜 尊重親和
認真做頭路
有時黑陰 有時出日
打虎捉賊 勇敢相挺
台灣母親柔情呼喚
望你牽成 代代精英
朋友啊!
台灣前途 咱著注心
做伙行逗陣

王立信於2009 十一月 11 8:04pm添加 — 無評論

山的聯想

山的聯想

山兮平生傷 冗冗長
我兮閣嫌 瀝瀝落落
佗以山兮大名暗念
三不五時映山行徙去
探頭 搜揣新綠兮藉口

洗蕩歸身軀 莫名兮瘴氣污穢
含緊張了後青筍筍 繃繃兮氣色
調和著青翠草木的幽默
生性愛拍笑科 博謔的你
覓看伊平常時 陰鸩陰鸩
嗎暗暗歡喜 歸群鳥隻
佇頭殼頂 吟詩作樂
嗎心色愜意 遍地走獸
惦耳邊摒變 恩仇快意


山像古錐 婀娜多姿的姑娘仔
定期的 坐擁全身新兮粧飾
癡笑巴黎米蘭流行時尚
四季的原創
只是抄襲山的大肚量

我整裝待發
山卻老早凊粥便便咧聽候
阮羞愧伊 集雄偉兮包容含
老實兮智慧

當我夯目映山
啥儂係汝兮靠山
阮兮牧師安呢講。

王立信於2009 十一月 4 10:30pm添加 — 無評論

實踐

實踐

傭婦說,
凡拖過的地必留下痕跡
除非乾拖,而且要天天,
老闆才給工錢
相對許多成語式的格言,
於我不過是掙錢生活
至於生活的藝術,
就是淡飯粗茶家常閒話
單純的勞動就是真善美;
我老公說拖地
就是在作畫.
彩繪三餐和兒子的學費。拖地
就是在寫詩,
詠嘆踏實的享受操勞所得
禪宗不也說一日不作一日不食嗎。
老公托著老花眼鏡片指著報上又說
就像最近上海流行的
計程車司機的管理哲學,
他向著一群高科技高層新貴
授課他們的社會嗅覺
好偉大呀!傭婦說;
快去倒垃圾吧

王立信於2009 十一月 4 4:39pm添加 — 1 篇評論

束縛

束縛

蠕動一腸肚子地壞水
流堵濁黃的溝渠覆蓋
表象且朦朧
環五里林之霧而繞
遂佇立霧外清白的地理
深知上天是將埋葬不義的
旋即後悔地仁慈
然呼喊的意義是空洞掙脫的捆索
求救吧 自己已半埋了的死人

聖哲保羅呀
何如誇耀於軟弱
又甘之如飴地因刺的剛強
苦啊 這取死之身
竟無完膚地以
上臘蘋果來答報
梏桎或轉回

王立信於2009 十一月 4 4:01pm添加 — 無評論

讀經兮滋味

讀經兮滋味

頭先,
干旦 白紙黑字
薄薄 光滑頁面
歷史記錄
即堆儂名
天父上帝,
受氣 後悔 重新立約
三枝竹篙拄昧著兮地理。

茲遍了後,
字面浮出山崙
溪河 青草發生
光 暗 分作兩傍
伊 公義 憐憫 審判 賜福
撒旦退去 赦免醫治
彼得 約翰 保羅 但以理
親像滯咱厝邊。

日日靈修 晟作
處世爲人 生活準繩
伊是 山嶺高台
七彩虹天
波浪及風湧晟了表面
恩典滿滿蜜甜
跤步安穩 平靜 歸回安息內心
閣傳,鐵一般兮意志

王立信於2009 十一月 4 3:58pm添加 — 無評論

焠煉

焠煉

知影欲受焠煉
深深道別
對世間兮愛憐
耶穌行過兮腳跡
天使底執行
肉體的剝捨
為怹祈求祝福
向天父求討
主啊!求提去即個苦杯
照汝兮意思來行

過去的影隻
親像放電影
屬世兮著磨 一場瞑夢
按怎來寫
一堆終其尾的廢紙
按怎來行
定著矣 袂使拖砂

焠煉行過苦及疼的接續
晟了
哈利路亞

王立信於2009 十一月 4 3:30pm添加 — 1 篇評論

真理兮聯想

真理兮聯想

真理亦兮絕對性
成就純粹的信念。
若持定永毋妥協兮堅持
伊愈昇華 伊愈扇射
當聚集相當密度的震波
像原子彈亦愈開傘花。
伊超越精神 靈性
進入人抹得理解兮層面
親像入天父信心國度。
屬世兮克制 肉體兮犧牲
是爐火純菁的過程。
順服 謙卑 單單信靠
脫去舊人的外衫
為著罪身兮緣故
非是自我救贖
乃是注神看耶穌。
積德像存錢 肖想欲
映望補滇心靈兮空虛
伊受鞭打 咱得安慰
毋通驕傲 放捨原罪
祇要信 毋免驚
比併耶穌佇你心中亦份額

王立信於2009 十一月 4 3:30pm添加 — 無評論

© 2019   Created by 胡長松.   管理小組

成員徽章  |  報告問題  |  服務條款