台文戰線聯盟

黃靜惠的部落格 (30)

花~寫予查某囝的歌詩

~寫予查某囝的歌詩

 

 

花的笑容

是交織出純情的妖嬌

佇上懸的樹枝

 

風若一下吹

伊就一陣一陣笑出聲

目睭尾嘛微微仔  飛一下  飛一下

阮的心肝就綴咧  跳一下  跳一下

 

 

花的目屎

是透濫著悲傷的溫柔

佇上媠的花心

 

雨若一下落

伊就一滴一滴津落來

目睭頭嘛略略仔  結一下  結一下

阮的心肝就綴咧  搐一下  搐一下

 

 

花啊花

青春只為家己媠一擺

管待伊是風咧吹抑是雨咧落

千萬毋通拍損空等待

 

臺江臺語文學季刊 第19期2016.08

黃靜惠於2016 八月 12 11:22pm添加 — 無評論

畢業了後上重要的代誌~~繼續看冊

畢業了後上重要的代誌~~繼續看冊

 

  一定有袂少的學生囡仔佇畢業彼一工,定定想欲共冊包擲掉,抑是想欲共往過讀的冊燒掉,閣咒誓後擺永遠無愛閣讀冊矣。這層代誌我哪會知咧,講起來就真歹勢,因為我嘛捌少年青春過。想當年,阮高中聯考一結束,新聞就報有一位考生佇高雄愛河邊共冊包擲入愛河內底,閣佇河邊若起痟按呢烏白亂叫,共大家驚一趒,驚伊一時想袂開跳愛河自殺,就趕緊報警,好佳哉伊只是考試壓力傷大叫叫敨氣一下,並無想袂開。考牢大學,逐家想的就是會當好好仔耍四年,畢業了後揣一个頭路,結婚生囝,從此幸福快樂過一世人。…

繼續

黃靜惠於2016 七月 15 11:26pm添加 — 無評論

張愛玲的1941-香港之戰

張愛玲的1941-香港之戰   

      日本帝國海軍佇1941年12月7號,對美國太平洋珍珠港海軍基地發動戰爭。閣轉工,日本又閣開始攻擊香港,英國軍隊為著欲保護香港,佮日軍相戰,十八工了後英國的香港保衛戰不幸失敗,日本成功占領香港,開始香港「三年閣八個月」的日據時期。所以1941年12月8號到25號,這短短的十八工就是張愛玲〈燼餘錄〉內底所描寫的香港之戰。

      「燼餘」兩字的意思佇《新編國語日報辭典》1101頁的解說是:災厄後賰落來的物件,比喻遺民抑是遺孤。這就是張愛玲,伊對正式慎重的戰爭歷史無啥物興趣,顛倒對戰爭時、戰爭後龜龜怪怪的人性佮代誌,煞真有興趣。

     …

繼續

黃靜惠於2016 六月 16 9:58pm添加 — 無評論

煞(sannh)著看冊~對囡仔歌開始

https://readpaper.kl.edu.tw/index.php?id=994

基隆市閱讀電子報第74期主題

煞(sannh)著看冊~對囡仔歌開始   

      佮唐山話豐沛的肥底比起來,閩南語就若像可憐gâu欶水的瘦田仝款,無論咱按怎沃水、掖肥,伊定定嘛是焦涸涸結無子。無奈何,干焦會當感嘆咱是欲按怎來培養學生囝仔看閩南語文章的慣勢呢?   …

繼續

黃靜惠於2016 五月 20 6:00pm添加 — 無評論

看故事遊世界~虎姑婆

 看故事遊世界~虎姑婆

  虎姑婆這个故事是佇臺灣古早客人村裡發生的民間傳說,往過佇咱臺灣是一个大人囡仔通人知的故事,嘛是每一个做人老母暗時欲騙囡仔唔唔睏的時陣,攏會­講予囡仔聽的眠床故事。

  後來,臺灣製作人唐台齡先生佮英國bang51 ga11藝術大師Lorr­aine…

繼續

黃靜惠於2016 四月 20 6:13pm添加 — 無評論

張愛玲窗外的奢華上海

張愛玲窗外的奢華上海

  今仔日的世界非常多元,有人講芳就有人講臭,有人佮意就有人嫌甲無一塊著,有人贊成就有人反對。真歹講啥物是主流,啥物是前衛。明明昨昏已經無流行的想法,今仔日可能隨變做時行的元素,嘛有可能今仔日上風騷的物件,明仔載煞變成無人欲挃的糞埽,這馬的文壇差不多嘛是按呢。

  毋過,檢采美麗的景致,看過的人自然就會共伊保留佇記持的相簿內底,有可能是烏白反黃的老相片,嘛有可能是畫質清楚的彩色相片。就親像,只要是好文章就有伊存在的地位價值佮影響力。

  像張愛玲佇上海拄仔衝紅的時陣,就有人批評伊只不過是提舊的小說,濫一寡西洋的寫作技巧爾爾;嘛有人講伊是受著祖公仔是清朝大官的致蔭,閣笑伊貴族的血統有若無咧,是遠遠遠的親情關係,就若親像共一隻死雞僆仔,擲入去黃浦江裡,就講全上海的人攏啉著雞湯仝款。

   …

繼續

黃靜惠於2016 三月 18 10:14pm添加 — 無評論

花開的聲音

花開的聲音

    春天的花園內

    無意飛來一隻白色的尾蝶仔

    害阮想起青春少年時

    阮刁意故起無空創治伊

    偷偷仔和(hām)伊滾耍笑講

    阮捌聽過花開的聲音喔

    伊聽一下驚一趒

   …

繼續

黃靜惠於2016 二月 22 7:00pm添加 — 無評論

家庭教育中心是咱貼心的好厝邊。

家庭教育中心是咱貼心的好厝邊。

2010.4.2
基隆市家庭教育中心精神創意標語徵選比賽銀牌獎

黃靜惠於2016 二月 16 7:24pm添加 — 無評論

阿母,你好無

繼續

黃靜惠於2016 一月 29 1:37pm添加 — 無評論

海翁文學,廈門相隨

海翁文學,廈門相隨

《千金譜》頭一句:「書是隨身寶,財是國家珍;一字值千金,千金難買聖賢心。」就是咧勸人讀冊認字著用苦心。俗語嘛講,食一歲,學一歲;食到老,學到老;食到死,學到死;死毋通學,逐項攏通學。想到遮,咱人著敢緊趁這馬,老罔老猶閣會哺塗豆的時陣,殘殘報名參加今年八月的「海翁廈門臺灣文學營」,想講嘛欲來好好仔學習充電一下。

  一路上,逐家有歌有曲心頭鬆,唱歌唱曲解心悶。課程精采閣多元,內容豐富閣充實;臺灣佮廈門的教授老師,才高八斗,不只腹內全膏好內才,閣教學認真,十八般武藝精通盡展,會使講是「肚臍開花,蜘蛛吐絲」無一項袂曉,無一項毋捌的。…

繼續

黃靜惠於2016 一月 29 1:10pm添加 — 無評論

罩雺的水

罩雺的水

罩雺的水
你是有情 抑是無情
予人看袂清 想袂透
阮只是想欲恬恬划一隻小船
無聲無說 到對岸
去見伊

有機會佮伊熟似
我有偌爾仔幸運 你敢知?
伊溫柔的面模仔
又是偌爾仔緣投 你敢知? 

伊共思念的花子
掖佇我的心肝田頭頂
花蕊早就開滿山

風啊──風啊──
請你帶念阮純情的愛才起步
緊將怨妒的雺霧
勻勻仔共 吹予散 吹予散

我今會當 看著伊

伊才袂共我 放袂記

海翁台語文學第163期2015.7

黃靜惠於2016 一月 29 12:38pm添加 — 無評論

異鄉的白翎鷥

異鄉的白翎鷥

 

飛過基隆的山崙

白色的孤影  歇佇田寮河邊的樹椏頂

邊仔  人來客去的廟口夜市

只有加添伊飄零的  心思

 

港口的鴟鴞  一隻  兩隻

一輾閣一輾  踅來閣踅去

in哪知影日落黃昏  異鄉鳥隻的稀微

 

他鄉的  日頭落海

故鄉的  日頭落山

重重疊疊  形影相交纏

予伊一時分袂清

吹過來的  是山風

抑是海風

 

 

海翁台語文學第163期2015.7

 

黃靜惠於2016 一月 29 12:35pm添加 — 無評論

行的藝術

行的藝術

人生在世,咱欲按怎行,才是上媠的姿勢?

無仝款的路,是毋是就有無仝款的行法?…

繼續

黃靜惠於2016 一月 29 11:43am添加 — 無評論

果子樹跤好種花

果子樹跤好種花

      有一句俗諺講:「一人興一味。」阮阿爸佮阿母就是按呢。雖然,in兩人是翁仔某代,毋過阮阿母愛種花,阿爸愛種果子,真正是「一人一雙箸,欲夾無仝味。」

      逐擺阿母若是咧種花,抑是咧整理花,阿爸就會佇邊仔囉囉嗦嗦,講:「無彩工,種遐的創啥物?啊袂當食得矣!」阿母就會共伊黜臭:「你毋捌都莫烏白講,這花後日仔若開,是偌媠的。你種你的水果,管人遐濟創啥?」聽著阿母按呢講,阿爸就會鼻仔摸咧,越頭離開。毋過,伊會那行那踅踅唸:「看媠,有啥路用?種彼有的、無的,真正是食飽換枵,頭殼歹去矣,攏毋知咧想啥?」阿母看阿爸走矣,嘛會仝款那用黜仔挖塗那踅踅唸:「管人生,管人死,管人種花無天理。」

     …

繼續

黃靜惠於2016 一月 29 9:50am添加 — 無評論

琳姑佮德恩的悲劇大愛戀~桃花泣血記

琳姑佮德恩的悲劇大愛戀~桃花泣血記

1932年,上海聯華影業公司製作,阮玲玉、金焰主演的烏白無聲電影《桃花泣血記》,渡海來到臺灣放映。電影業者為著欲唌人來看電影,特別邀請詹天馬作詞,王雲峰作曲,根據這齣電影的故事,創作出第一首佮電影仝名的臺語流行歌《桃花泣血記》。這嘛是第一蓋,電影有主題曲;演唱者純純,也一目nih對歌仔戲小生變成臺語流行歌壇的第一位歌星。

  電影一開始,銀幕上就出現這首詩:「胭脂鮮豔何相類,花之顏色人之淚,若將人淚比桃花,淚自長流花自媚,淚眼觀花淚易乾,淚乾春盡花憔悴。」詩的意思和詹天馬寫的第一段歌詞「人生親像桃花枝,有時開花有時死,花有春天再開期,人若死去無活時。」意思差不多仝款仔仝款。一起頭就暗示女主角琳姑,媠人無媠命,命中注定會親像桃花按呢紅顏薄命。

  劇情是咧講佇一个恬靜的庄仔內,有一工逐家佮平常時仝款那看牛食草那罔開講渡時間。干焦輪著當值看守的人行來行去,看頭看尾,驚死賊仔脯趁逐家無注意來搶牛。

  庄裡有一个田佃(tshân-tiān)…

繼續

黃靜惠於2016 一月 28 12:04am添加 — 無評論

牛屎佮蛇精-12

(十二)草地倯,你是都市戇

 

  牛屎佮蛇精相放伴去庄跤耍,一路上兩人有講有笑。

  牛屎:蛇精,你看山頂彼欉樹仔頂,掛一个袋仔,是欲創啥?

  蛇精:佗位?我哪會無看著?

  牛屎:佇遐無,有一个紅紅的塑膠袋仔。

  蛇精:哎唷,彼个毋是袋仔,是弓蕉的花啦!等弓蕉開花結子了後,伊會變做一捾一捾的弓蕉,落尾規欉弓蕉就會蔫去。所以,人講:「弓蕉吐囝,為囝死。」就是這个意思。

  牛屎:蛇精,你哪會遮厲害?一欉弓蕉樹你就會當講出遮好的大道理。

  蛇精:遮哪有啥物了不起,你若有閒加讀寡冊,毋定著比我閣較…

繼續

黃靜惠於2016 一月 7 5:37pm添加 — 無評論

牛屎佮蛇精-11

(十一)拜託婚逃賣暖蛋

 

  牛屎:蛇精,我前幾天仔去一間餐廳食飯,看著彼个店頭家真趣味,伊佇門跤口,…

繼續

黃靜惠於2016 一月 7 5:35pm添加 — 無評論

牛屎佮蛇精-10

(十)食滷卵配高粱酒

 

  牛屎:昨昏,阮爸仔身體無啥爽快,阮母仔趕緊三步做兩步走,tshuā伊去予醫生看,閣煩惱甲目屎四淋垂,那哭那講:「我甘願看恁老爸去奅姼仔,嘛毋甘看伊去予醫生看。」

  蛇精:恁母仔哪按呢講,伊是頭殼歹去諾?

  牛屎:蛇精,你哪和阮姊仔講的仝款,阮姊仔閣講:「母矣,你足無志氣的呢,我寧願阮翁去看醫生。」蛇精,若你咧,你欲選佗一項?

  蛇精:啥物啊!後日阮翁若敢佇我背後烏白來,伊隨準備食滷卵配高粱酒,規氣「入土為安」好矣!

  牛屎:莫怪人咧講,惹熊惹虎,嘛毋通惹著刺查某。

  蛇精:你講啥?

  牛屎:今這聲我害矣!惹著虎豹母,無死也烏漚。

 

 

【臺語俗諺】

 

食滷卵配高粱酒。(死刑犯的最後一餐)

Tsia̍h lóo-nn̄g phuè…

繼續

黃靜惠於2016 一月 7 5:33pm添加 — 無評論

牛屎佮蛇精-9

(九)慣勢就好

 

  蛇精:牛屎欸,驚死人喔!恁老師哪會出遮濟功課予恁寫,寫到(kàu)天光嘛寫袂完。

  牛屎:哪會驚死人,慣勢就好。

  蛇精:烏矸仔貯豆油──看袂出喔!本底講著讀冊,你就懶屍懶屍,當時變甲遮綿爛?

  牛屎:為姊死,為姊亡,為姊走千里閣硞硞傱;為著你,為著咱們幸福的未來,叫我寫一百逝,我嘛甘願。

  蛇精:謼(hooh)!你功課都寫袂完,閣有這个美國時間佇遮亂使講?上好寫袂了,明仔載去予老師摃尻川好啦!

 

 

【臺語俗諺】

 

為姊死,為姊亡,為姊走千里閣硞硞傱。

Uī tsí sí, uī tsí bông, uī tsí tsáu tshian-lí koh khok-khok…

繼續

黃靜惠於2016 一月 7 5:32pm添加 — 無評論

牛屎佮蛇精-8

(八)跤球明星是佗位人?

 

  牛屎:蛇精,你敢知葡萄牙的跤球明星『C羅』,是咱臺灣人呢(neh)!

  蛇精:真的喔!伊是佗位人?

  牛屎:雲林矣!

  蛇精:伊是細漢時捌蹛佇雲林諾?

  牛屎:毋是啦!啊都,『西螺』毋是佇雲林無?

  蛇精:哈哈哈,這个笑詼好笑,『西螺』是佇雲林,無毋著。

  牛屎:蛇精,你笑起來若像一蕊花,足媠的呢!

  蛇精:牛屎的,你嘛是一蕊花。

  牛屎:真的喔!怪奇矣,今仔日天是欲落紅雨呢(nih)?無,你哪會呵咾我?

  蛇精:規欉好好──無錯,你正港是「目睭花花」,匏仔看做菜瓜。毋知你是假痟,抑是真戇,我聽你咧食茶練痟話,消遣拍拉涼,真正是譀呱呱,無一句正經的。這个『西螺』佮彼个『C羅』,一丈差九尺,天佮地差遠咧囉!

 

 

【臺語俗諺】

 

天欲落紅雨。(稀奇,不…

繼續

黃靜惠於2016 一月 7 5:30pm添加 — 無評論

© 2022   Created by 胡長松.   管理小組

成員徽章  |  報告問題  |  服務條款