十月 2014 部落格文章 (5)
雲頂
雲頂
雲下跤
人事勾纏
世事幻化
歷史暗暗輪迴
人性，善惡難分
人生，起落無常
命運，烏白彩色歹論
看會著的，敢講是真
看袂著的，敢無存在
雲頂
雲是雲
風是風
天是天
雲頂
時間毋是時間空間毋是空間世界毋知影是啥物世界
2014/10/28
由郭文玄於2014 十月 28 5:14pm添加 — 無評論
予國小台語教師的淡薄仔建議
予國小台語教師的淡薄仔建議
──欲安怎寫作台語文章？
◎宋澤萊
103年度「本土語言文學創作徵文」補充教材組總評
今年度﹝103年﹞「本土語言文學創作徵文」補充教材組延續舊年，有真好的成績，甄選出9名得獎者，真濟文章攏得到評審的呵咾。
比如講，第一名〈○○○○○○〉，台語用字完全無問題，話語溜掠，文句清楚，真適合小學學生唸讀。第二名〈○○○〉對話真正呢活骨趣味，小學學生讀了，一定會笑未遂，是一篇更加適合學生唸讀的好文章。另外猶有一篇第二名的文章號做〈○○○○○○〉，這篇文章詳細寫出○○○○的來源、發展，是一篇小型的報導文學，真有內容，作者真肯用心，實在真予評審感心。其他猶有真濟篇攏真了不起。
雖是按呢，但是評審有幾個建議欲提供予未來參加徵文比賽的作者做參考：
第一：因為咱的徵文是為著提倡台文的寫作，所以作者最好嘸通先用北京語寫…
繼續由宋澤萊於2014 十月 23 10:05pm添加 — 無評論
詩人
詩人
人的心
會飛
飛過山
飛過海
飛過天
飛過夢境
詩人的心
會飛
飛入無景的所在揣景
飛入烏暗的所在揣光
飛入人的心肝底揣心
詩人的心
飛佇天頂頂懸的天頂
飛佇靈魂內底的靈魂
詩人的心
看著人的惡
看著世間的滅
詩人的心
看著
家己的心
2014/10/11 北投
由郭文玄於2014 十月 11 9:18pm添加 — 無評論
我的冊架仔
我的冊架仔
- 2014/8月 <臺江臺語文學季刊>第11期
讀學校教科書以外的閒冊，會記得是小學4、5年的時，「國語日報」去基隆獅球嶺嶺跤的舊厝，推銷報紙佮怹報社的冊，我揀一套「三百字故事」。1971年上國中無偌久，「中華民國」退出聯合國，四界看著「莊敬自強 處變不驚」的標語。彼陣戇戇啥物嘛毋捌，干單知影佇賣文具、參考書的細間冊店，斟酌揣柯旗化的<新英文法>佮侯西泉的數學參考書。嘛開始看<泰山>、<基度山恩仇記>、<湯姆歷險記>一寡「世界名著」佮中國傳統詩詞<唐詩三百首>、<千家詩>。冊愈來愈濟，大概國中的時才有底斜斜，後壁有靠的材架仔囥冊。高中的時改用有3、4層的鐵架仔，外口用包郵票的玻璃紙，一層一層用吸鐵固定圍起來，當做玻璃櫥仔用。定定都愛用筅（tshing7）仔筅（tshing2）內底的風飛砂，逐本冊攏當做寶，顧彼个冊架仔顧甲命命命。 …
由郭文玄於2014 十月 6 3:12pm添加 — 無評論
