黃靜惠 的部落格 -- 一月 2016 封存 (22)

海翁文學，廈門相隨

《千金譜》頭一句：「書是隨身寶，財是國家珍；一字值千金，千金難買聖賢心。」就是咧勸人讀冊認字著用苦心。俗語嘛講，食一歲，學一歲；食到老，學到老；食到死，學到死；死毋通學，逐項攏通學。想到遮，咱人著敢緊趁這馬，老罔老猶閣會哺塗豆的時陣，殘殘報名參加今年八月的「海翁廈門臺灣文學營」，想講嘛欲來好好仔學習充電一下。

　　一路上，逐家有歌有曲心頭鬆，唱歌唱曲解心悶。課程精采閣多元，內容豐富閣充實；臺灣佮廈門的教授老師，才高八斗，不只腹內全膏好內才，閣教學認真，十八般武藝精通盡展，會使講是「肚臍開花，蜘蛛吐絲」無一項袂曉，無一項毋捌的。…

罩雺的水

罩雺的水
你是有情 抑是無情
予人看袂清 想袂透
阮只是想欲恬恬划一隻小船
無聲無說 到對岸
去見伊

有機會佮伊熟似
我有偌爾仔幸運 你敢知？
伊溫柔的面模仔
又是偌爾仔緣投　你敢知？　

伊共思念的花子
掖佇我的心肝田頭頂
花蕊早就開滿山

風啊──風啊──
請你帶念阮純情的愛才起步
緊將怨妒的雺霧
勻勻仔共　吹予散　吹予散

我今會當　看著伊

伊才袂共我　放袂記

海翁台語文學第163期2015.7

異鄉的白翎鷥

飛過基隆的山崙

白色的孤影  歇佇田寮河邊的樹椏頂

邊仔  人來客去的廟口夜市

只有加添伊飄零的  心思

港口的鴟鴞  一隻  兩隻

一輾閣一輾  踅來閣踅去

in哪知影日落黃昏  異鄉鳥隻的稀微

他鄉的  日頭落海

故鄉的  日頭落山

重重疊疊  形影相交纏

予伊一時分袂清

吹過來的  是山風

抑是海風

海翁台語文學第163期2015.7

行的藝術

人生在世，咱欲按怎行，才是上媠的姿勢？

無仝款的路，是毋是就有無仝款的行法？…

果子樹跤好種花

      有一句俗諺講：「一人興一味。」阮阿爸佮阿母就是按呢。雖然，in兩人是翁仔某代，毋過阮阿母愛種花，阿爸愛種果子，真正是「一人一雙箸，欲夾無仝味。」

      逐擺阿母若是咧種花，抑是咧整理花，阿爸就會佇邊仔囉囉嗦嗦，講：「無彩工，種遐的創啥物?啊袂當食得矣！」阿母就會共伊黜臭：「你毋捌都莫烏白講，這花後日仔若開，是偌媠的。你種你的水果，管人遐濟創啥？」聽著阿母按呢講，阿爸就會鼻仔摸咧，越頭離開。毋過，伊會那行那踅踅唸：「看媠，有啥路用？種彼有的、無的，真正是食飽換枵，頭殼歹去矣，攏毋知咧想啥？」阿母看阿爸走矣，嘛會仝款那用黜仔挖塗那踅踅唸：「管人生，管人死，管人種花無天理。」

     …

琳姑佮德恩的悲劇大愛戀～桃花泣血記

1932年，上海聯華影業公司製作，阮玲玉、金焰主演的烏白無聲電影《桃花泣血記》，渡海來到臺灣放映。電影業者為著欲唌人來看電影，特別邀請詹天馬作詞，王雲峰作曲，根據這齣電影的故事，創作出第一首佮電影仝名的臺語流行歌《桃花泣血記》。這嘛是第一蓋，電影有主題曲；演唱者純純，也一目nih對歌仔戲小生變成臺語流行歌壇的第一位歌星。

　　電影一開始，銀幕上就出現這首詩：「胭脂鮮豔何相類，花之顏色人之淚，若將人淚比桃花，淚自長流花自媚，淚眼觀花淚易乾，淚乾春盡花憔悴。」詩的意思和詹天馬寫的第一段歌詞「人生親像桃花枝，有時開花有時死，花有春天再開期，人若死去無活時。」意思差不多仝款仔仝款。一起頭就暗示女主角琳姑，媠人無媠命，命中注定會親像桃花按呢紅顏薄命。

　　劇情是咧講佇一个恬靜的庄仔內，有一工逐家佮平常時仝款那看牛食草那罔開講渡時間。干焦輪著當值看守的人行來行去，看頭看尾，驚死賊仔脯趁逐家無注意來搶牛。

　　庄裡有一个田佃(tshân-tiān)…

（十二）草地倯，你是都市戇

　　牛屎佮蛇精相放伴去庄跤耍，一路上兩人有講有笑。

　　牛屎：蛇精，你看山頂彼欉樹仔頂，掛一个袋仔，是欲創啥？

　　蛇精：佗位？我哪會無看著？

　　牛屎：佇遐無，有一个紅紅的塑膠袋仔。

　　蛇精：哎唷，彼个毋是袋仔，是弓蕉的花啦！等弓蕉開花結子了後，伊會變做一捾一捾的弓蕉，落尾規欉弓蕉就會蔫去。所以，人講：「弓蕉吐囝，為囝死。」就是這个意思。

　　牛屎：蛇精，你哪會遮厲害？一欉弓蕉樹你就會當講出遮好的大道理。

　　蛇精：遮哪有啥物了不起，你若有閒加讀寡冊，毋定著比我閣較…

（十一）拜託婚逃賣暖蛋

　　牛屎：蛇精，我前幾天仔去一間餐廳食飯，看著彼个店頭家真趣味，伊佇門跤口，…

（十）食滷卵配高粱酒

　　牛屎：昨昏，阮爸仔身體無啥爽快，阮母仔趕緊三步做兩步走，tshuā伊去予醫生看，閣煩惱甲目屎四淋垂，那哭那講：「我甘願看恁老爸去奅姼仔，嘛毋甘看伊去予醫生看。」

　　蛇精：恁母仔哪按呢講，伊是頭殼歹去諾？

　　牛屎：蛇精，你哪和阮姊仔講的仝款，阮姊仔閣講：「母矣，你足無志氣的呢，我寧願阮翁去看醫生。」蛇精，若你咧，你欲選佗一項？

　　蛇精：啥物啊！後日阮翁若敢佇我背後烏白來，伊隨準備食滷卵配高粱酒，規氣「入土為安」好矣！

　　牛屎：莫怪人咧講，惹熊惹虎，嘛毋通惹著刺查某。

　　蛇精：你講啥？

　　牛屎：今這聲我害矣！惹著虎豹母，無死也烏漚。

【臺語俗諺】

食滷卵配高粱酒。（死刑犯的最後一餐）

Tsia̍h lóo-nn̄g phuè…

（九）慣勢就好

　　蛇精：牛屎欸，驚死人喔！恁老師哪會出遮濟功課予恁寫，寫到(kàu)天光嘛寫袂完。

　　牛屎：哪會驚死人，慣勢就好。

　　蛇精：烏矸仔貯豆油──看袂出喔！本底講著讀冊，你就懶屍懶屍，當時變甲遮綿爛？

　　牛屎：為姊死，為姊亡，為姊走千里閣硞硞傱；為著你，為著咱們幸福的未來，叫我寫一百逝，我嘛甘願。

　　蛇精：謼(hooh)！你功課都寫袂完，閣有這个美國時間佇遮亂使講？上好寫袂了，明仔載去予老師摃尻川好啦！

【臺語俗諺】

為姊死，為姊亡，為姊走千里閣硞硞傱。

Uī tsí sí, uī tsí bông, uī tsí tsáu tshian-lí koh khok-khok…

（八）跤球明星是佗位人?

　　牛屎：蛇精，你敢知葡萄牙的跤球明星『Ｃ羅』，是咱臺灣人呢(neh)！

　　蛇精：真的喔！伊是佗位人?

　　牛屎：雲林矣！

　　蛇精：伊是細漢時捌蹛佇雲林諾？

　　牛屎：毋是啦！啊都，『西螺』毋是佇雲林無？

　　蛇精：哈哈哈，這个笑詼好笑，『西螺』是佇雲林，無毋著。

　　牛屎：蛇精，你笑起來若像一蕊花，足媠的呢！

　　蛇精：牛屎的，你嘛是一蕊花。

　　牛屎：真的喔！怪奇矣，今仔日天是欲落紅雨呢(nih)？無，你哪會呵咾我？

　　蛇精：規欉好好──無錯，你正港是「目睭花花」，匏仔看做菜瓜。毋知你是假痟，抑是真戇，我聽你咧食茶練痟話，消遣拍拉涼，真正是譀呱呱，無一句正經的。這个『西螺』佮彼个『Ｃ羅』，一丈差九尺，天佮地差遠咧囉！

【臺語俗諺】

天欲落紅雨。（稀奇，不…

（七）變做一隻貓

　　蛇精：佗位來的貓，遮大隻？

　　牛屎：佇佗位？佇佗位？

　　蛇精：大目新郎，啊都，你矣！你是當時變做一隻貓哪會攏無敲電話共人通知一聲？

　　牛屎：哪有？我是底時變做一隻貓，我哪會毋知？

　　蛇精：哪無？你若毋是一隻貓，哪會恬喌喌徛佇邊仔，一直掠人貓貓相。

　　牛屎：喔！我知矣，若按呢，你嘛是一隻貓。

　　蛇精：我哪會是一隻貓，你講看覓？

　　牛屎：因為，我就是咧看你今仔日哪會妝甲遮烏貓啊！

　　蛇精：你三八無藥醫，毋才按呢。人生做妖嬌美麗，彼是爸母生成的，佮你有啥物底代？

　　牛屎：哪會無關係，彼是阮丈人爸gâu…

（六）『冰的題』

　　蛇精：牛屎，明仔載欲考試，你讀好矣未？

　　牛屎：無問題啦！『冰的題』我全背好矣。

　　蛇精：啥物叫『冰的題』？

　　牛屎：彼都老師上課的時陣，無細膩伊的茶鈷煞破一空……

　　蛇精：小等一咧？你愈講愈遠，茶鈷破空和考試有啥物關係？

　　牛屎：阿都——茶鈷破空——漏題啦！逐家攏講這幾題若無考出來，阮就會使來去共老師——反桌啦！

　　蛇精：「哎喲喂！你這陣雷公仔點心，真是無大無細，連老師的桌仔，恁都敢反喔……＃＠％……」

【臺語俗諺】

雷公仔點心。（做了大逆不道的事會被雷公把命取走）

Luî-kong-á…

（五）讀臺語

　　牛屎：蛇精，妳咧創啥？

　　蛇精：我咧讀臺語矣。

　　牛屎目睭瞭一下：傷爸(siong-pē…

（四）咱是一家人

　　佇海產店內。

　　牛屎：我請你食海產，你想欲食啥？

　　蛇精：凊彩，啊你欲食啥？

　　牛屎：我欲食阿媽。

　　蛇精：阿媽？啥物叫做阿媽？

　　牛屎：阿都，這(tse)矣！

　　蛇精：唉喲！這是蚶仔(ham-á)，毋是阿媽啦！

　　牛屎：凊彩啦！你嘛知影我是外死人。

　　蛇精：僥倖喔！你毋是外死人啦，是外省人！

　　牛屎：隨在你啦！橫直咱是一家人。

　　蛇精：你諾(hioh)！真食力，哪會七講八毋著，〔啥人〕(siâng)佮你是一家人！

　　牛屎：你若嫁我，咱就是一家人。

　　蛇精：你連遮爾仔簡單的臺語都講袂好勢，我才(tsiah)無愛嫁你。

　　牛屎：〔啥人〕(siâng)講我袂曉講臺語，我臺語講了足好的呢！毋信你試看覓。

　　蛇精：拜託咧，你這个彭大海，莫閣佇彼歕雞胿。臭彈若愛繳稅，我敢講，你一定是做頭名。…

（二）拜啥物？

　　牛屎：人講：「食果子拜樹頭，食米飯拜田頭。」啊若食牛奶呢，就愛拜……拜……

　　蛇精：按怎？愛拜啥？

　　牛屎：人歹勢講啦！

　　蛇精：緊講啦，大人大種啊，是咧歹勢啥啦！食牛奶到底是欲拜啥物？

　　牛屎：啊都……啊都……拜「奶頭」啦！

　　蛇精：你這个不死鬼，我你咧○＃☆※……

【臺語俗諺】

食果子拜樹頭，食米飯拜田頭。（飲水思源）

Tsia̍h kué-tsí pài tshiū-thâu; tsia̍h bí-pn̄g pài tshân-thâu.

【語詞解釋】

歹勢（pháinn-sè）：不好意思；害羞。

不死鬼（put-sú-kuí）：色鬼。…

（三）翁仔某面

　　牛屎：蛇精，我感覺咱兩人真四配呢！

　　蛇精：我哪無這種感覺？啊無，你是講看覓咧，咱到底是佗位咧四配？

　　牛屎：啊都，你無感覺咱兩人生甲足相siāng？人講這就是翁仔某面。

　　蛇精：啥物啊？我佮你有翁仔某面？我看你是咧捧屎抹面。

　　牛屎：你是咧三八諾，我本來就是一垺屎，哪閣需要捧屎抹面？

　　蛇精：○＃☆※……

【臺語俗諺】

家己捧屎抹面。（喻自己給自己難看）

Ka-kī phóng sái buah bīn.

【語詞解釋】

四配（sù-phuè）：匹配。

相siāng（sio-siāng）：相像。

一垺屎（tsi̍t-pû-sái）：一坨屎。…

（一）彭祖的小弟佮小妹

　　牛屎：你敢知彭祖（Phînn Tsóo）的小弟叫啥？

　　蛇精：毋知，叫啥？

　　牛屎：鼻屎！

　　蛇精：啊無，你敢知彭祖（Phînn Tsóo）的小妹叫啥？

　　牛屎：毋知，叫啥？

　　蛇精：哈哈哈，鼻芳啦！

【語詞解釋】

彭祖（Phînn Tsóo）：中國神話中八百多歲的長壽仙人。

鼻屎（phīnn-sái）：鼻腔內穢物。

鼻芳（phīnn-phang）：只聞香味，或欣賞一下而已，不能擁有。

海翁台語文學第147期2014.3

媽 祖

千外年前

觀音真珠的光采

憂缽瓊花的芳味

幻化人身　二十八个春夏秋冬

承受千千萬萬的憂愁佮苦難

迎來今日

香燈跤的令旗　愈來愈長

烏水溝的海湧　愈來愈深

踅過亂世紅塵　殕殕霧霧的海象

青面青衫的千里眼

紅面紅衫的順風耳

報馬仔做前來開路

繡旗 蒲扇 娘傘 …