九月 2009 部落格文章 (103)
無通徛高山
台灣人的心聲 阮逐工攏致意
嗑瓜子 看電視 遐是下班了後的代誌
嗯！ 浸嘛的天頂是有卡清氣 黑陰落雨有冬時
想起威權五十年 古物商的政府孤門閣獨市
戒嚴雞毛當令箭 戴帽仔盧鰻吃芭樂放槍子
二二八及美麗島只是鳥啪仔試手氣
親像乞丐趕廟公 嘴念阿彌陀 手夯剃頭刀
白色的統治 黑金政商勾結的代議 膨風的經濟貧富透拄天
貪官污吏滿滿是 國庫財庫通黨庫 親像灶神鎮灶空
撈百姓 飼政府 阮是吃昧肥嘛餓昧死
一塊一塊的大餅 親像天邊的月娘 放置八月十五的暗瞑
一盤一盤臭酸的牛肉冷支支 連退冰都猶退昧離
立法院的大哥甲大姐 冤家娘債 摔椅擋桌
掀肚擠 玩三p 申請有專利
上扣應 抹粉點胭脂 佇攝影鏡頭前 逐日咧拼生死
欲哮欲笑隨在伊 人古早是教忠教孝 因是教姦閣教哭
悲哀的選民 菜市仔腦智 一千五百 佗將民主一賣五十年
海外黑名單 台灣魂… 繼續
由王立信於2009 九月 21 8:24pm添加 — 無評論
等玆咧春天
織一領情網
無恨無怨
緣絲相牽
親像汝柔軟兮頭鬃
互阮好眠好夢 到天光
等玆咧春天
無霜無寒
日光溫暖
親像汝無邪兮笑容
互阮若蝴蝶 戀慕牡丹
鼻親情氣味
無嫌無厭
反哺跪乳
親像看喪鄉兮厝邊
表明父佇儂無虧兮疼
候無限時機
胸懷開擴
堅持有心
丹田呼吸勇敢喊喝
霎那間 世界抹輸歸咱
演一齣野台
生旦淨末
小丑跳樑
扮 樊梨花移山倒海
息 卸妝也著恬恬無聲
看人間惜惜
無爭無鬪
口舌平和
用最深兮內在揚顯
佇天國上媠兮水晶海
聽聖神音聲
腑落謙卑
靜靜聽趁
進入室內真意傾訴
佇遮領受逐日兮空課
由王立信於2009 九月 21 3:00pm添加 — 無評論
牽汝的手；我的愛人同志
我的思念.親像流星甩過天邊兮彼支掃帚尾. 閃閃爍爍
掃帚尾結晶的光彩是看透我家己固執的人生觀及自我歷史觀點
可比落雪的冬天 .形形色色的六角形體.雪的傘花.一直塊偷看
佗趴佇眠床邊兮窗仔口 .一直塊偷看. 看我夠融去
嘛像透早. 埕仔口老榕仔叢 .葉尖的露水滴. 滴佇伊等待兮鬚邊
而且掠抹住新兮思念夆拍斷 .抹輸慢慢仔佇宇宙中老去的 .自轉的地球
這是欲按怎講呢！佇我兮行住坐臥. 喜怒哀樂中. 霧霧無明啦
有時靈機一閃 .感動變少熱情也變薄啦 .顛倒是雜念塊反起翻倒卡最呢
懟伊兮愛情雖然沒有少年時代兮熱情. 唔閣趣味兮是. 頭鬃愈白
漸漸老花兼散光兮目珠煞愈來愈注神佇伊檢查出來的
肝指數及糖尿.及伊那來那稀微兮身軀啊！
汝懟我兮疼！我比啥人佗閣卡知影. 阿若欲解釋我佮別人生命中的交纏
我兮愛人同志；牽妳的手將近30年 .嘛睏破三領蓆
佇遮我欲奉主的名摸心肝. 無影無隻兮代誌 .祇是一陣的風聲
由王立信於2009 九月 21 3:00pm添加 — 無評論
台北京城咧走山
九月九兮放鏡
放大禮義廉恥兮心肝
凱達格蘭
註定受欺負受囤踏兮運命
此陣；台北京城咧走山
十數萬人頭殼敢歹去,抑是食傷飽
準是啥物天；
頓悟兮空氣參烏雲罩霧兮面腔
煞沒張弛開遍紅葩葩閣厚刺兮玫瑰
遐有三代老幼及交加兮陣雨相招坐「心酸」
某人阿! 講曾隨摩西行過紅海兮彼個約書亞咧
某人阿!耶利哥城兮銅牆鐵壁敢擋愈住；
七日一直玲瓏旋和三聲喊喝兮陣勢
現時台仔頂兮五色人.話屎誠入耳
咱給看；外最廟會兮心態比賽看啥儂擋較久
唔拘；民意佗親像流水此般……
時浪靜.時排山倒海
選民唔若是選票爾爾,伊嗎有深深兮期待
當等伊兮憤慨用比大箍姆倒頭栽兮時陣
歷史!請汝作干証；
啥是法老王,啥人作先知
註：追憶彼年自稱紅衫軍兮羣衆所聚集兮
氣勢.或者是私人意志.所謂公理正義
攏交互歷史去判評啦。
由王立信於2009 九月 21 2:30pm添加 — 無評論
耶穌的學生；台灣的人格者 高俊明牧師
悲傷是濛濛 斷崖
怨嗟是茫茫 大海
台灣啊！你無悲情的權利 失意的本錢
四百年來的映望
人權的鬥士 真理的捍衛者
蒐找人性起初的尊嚴
肩胛愈重 腰骨那挺
伊 耶穌的學生 台灣的人格者
當時 上帝創世伊甸的意念 置伊心中發生
習耶穌受苦的精神 誓做台灣魂
發動挺身的公義 呼吸仁愛的空氣
悲憤化義怒 做所當做 佇實踐中寫遺書
白色黑牢憂鬱藍 放捨身家受關監
意志及目屎灌沃自由的花蕊
喚醒塊睏的靈魂
堅持 上帝的教示
信心 希望 仁愛 公平的社會
拍造 真 善 美 佇地像天的地理
伊嘸做無味的鹽 嘸做斗底的光
為著族群的和好 人佮鄉土的親和
決意拆毀中間猜疑的牆
互白雲的天頂有野花的草芳味
伊有先覺者的悲憫
對台灣母親的疼 用一世人來顯明
目光的青暝兮啊… 繼續
某年某月某日兮淺腹雜記
即首歌兮歌詞按怎起筆……
冊中詩人澎湃兮情感袂得倘收煞呢。
亦是哈瓦那纏綿欲絕兮情歌，
一直惦電視腳放送.巴西迷醉兮旋律。
沒的確逼近中年兮阮猶沒夠資格談論「人生」二字。
盈暗,牽手吓又閣發明即種俗俗健康兮雜菜麵，
對付著現步逐項攏有「黑心」兮品質兮世代。
佇導領飯前祈禱了後,幸福兮滋味開始湠開，
親像茶葉兮香喟,特別是大雨捏造暗冥兮氛圍。
咁相信有幾個烏手工敢夢想著詩人兮夢想，
我想鑿仔及拱搥應該閣恰合舒啦。
現不打牽手吓喝聲咧交代
掼三杯薏仁紅豆佮一包五斤裝兮白米囥惦冰箱冰;
閣講冰過兮白米煮起來卡好吃兮一篇大道理
當等阮翻身起床放尿,
沒拍算即寡雜念咧拍箍,唔放我煞
水電瓦斯大門巡煞了後,
連鞭佗夯筆凊采佐佐咧，即陣
淡薄兮憨眠 淡薄兮空靈… 繼續
番薯有骨
(追憶228牽手護台灣兮歷史意義)
誠確實是鉤著大條神經啦
代誌佗過遮尼久啊
才發現228牽手兮歷史意義
即目瞬若昨冥爾爾
彼袸相招相導 .分旗配帽
團隊夆分配惦楠仔坑高速公路跤
規路咧塞車嗎擋勿住血管兮通路
基隆到屏東若玆支龍骨鞭
四百公里. 兩百萬外人.聽候二點二十八分到
黑崁崁 .手牽手. 心連心
連阿公阿嬤紅嬰仔及坐輪椅兮人佗推推出來
霎那間思維 喘喟暫停止！心臟煞愈跳愈緊
時間佇歷史兮進行中結凍.… 繼續
由王立信於2009 九月 21 1:30pm添加 — 無評論
炒冷飯的新『新』聞
誰儂唆使汝！
獻出純潔兮肉體。
新聞工作者豈嘸是著持守；
像貴氣兮皇后彼玆般的貞操嗎？
那會嬈嬌體態「凡」事綜藝化
那會曖昧眼神「泛」事政治化
現現.脫褲弄，明明.姦夫勾結？
雖講日光下面沒啥鮮事……何況，
鑒誡不遠；傳媒祇是循環性兮『惡』，
親像閣再一擺夆蹧蹋閣出賣捌儂兮老娼頭。
曾經『聯合』獨占幾落拾冬兮青春；
哪裡猶愈顧得了『民生』歲月。
夠旦咧；沒『自由』寧願死兮下場。
亦嘸閣；媠『蘋果』嗎是外拍臘.內落膿兮款。
賤忘兮阮；亦誤飲了孟婆下蠱兮毒水
意識型態煞夆集體催眠去.看阮；
目珠白仁吊高.喙箍嗷嗷唸…置入式.
若大量製造醃腸大腸兮生產線
置入式行銷.一貫化兮頭殼。
搏版面；抹似興奮的野狼咧鼻臊腥血。
路尾；留芳百世抑是臭名萬年！
阮沓沓行入煙花暗巷囉.........。…
繼續
由王立信於2009 九月 21 1:00pm添加 — 無評論
戀愛vs失戀
戀愛e感覺
誠甜，誠幸福
無管出生按怎
無管家世按怎
無管社會地位按怎
無管頭路表現按怎
無管生了媠嫫
無管性地好歹
佇伊e心肝內
干單貯汝一人
佇伊e眼中
汝是無價之寶
佇伊面頭前
汝有絕對e尊嚴
失戀e感覺
誠痛苦
敢是
用情傷深
愛伊傷深
抑是
付出傷濟
得著傷少
抑是
毋甘兩個人
甜but4 but4… 繼續
由郭文玄於2009 九月 21 8:30am添加 — 無評論
詩人的夢想
詩人的夢想
多年前，在詩歌創作的課堂，
品惠老師說，當創作詩時，
應該強調簡單性，
要注意詩作的原則是
“它是它''的這種哲學思維。
透過一個很好的詩人的心靈
加上豐富的洞察力寫成的詩，
我們的心靈也能体會
詩人觀察到的境界!
我似懂，例如 “它是它'' ，
但又似非全懂，直到多年後，當我讀到
感動得: 莎士比亞連接用了四的比喻：
"自鳴鐘" ， "紫羅蘭" ，
"ue拄天（tu2-thinn) 的樹欉"
"熱人的青翠" 的 變化
來體現 表達; 來表現出人的生命
有不可抗拒的老化規律 -… 繼續
由唐 秉輝於2009 九月 20 3:03pm添加 — 無評論
上帝知道 translated by 恆夫 (a best friends of mine who used to be my high schoolmate in Taiwan)
Subject: Fwd: 海倫的詩--修譯 ！
> To:
> Date: Wednesday, September 9, 2009, 10:27 AM
> Helen S Rice的有錢丈夫因二九年崩盤時大虧而自殺身亡、年青海倫堅定的信心不改、寫出許多優美的詩篇、我試譯一首與太家分享、請賜正、[ 恆夫 now resides in Houston, the U S A with his family. ]
>
>
> 上帝知道 恆夫
>
> 你曾深陷別人編職的網罹
> 而捲入難以置信的光景嗎？
> 你曾覺得必需解釋清楚
> 以便否認空穴的來風或以耳語相傳的謊言嗎?
> 你聽過很想要駁斥的謠言
> 而想辯清搬弄是非者的聞（門下月）言嗎？
> 唉！不必難過
>… 繼續
由唐 秉輝於2009 九月 20 4:25am添加 — 無評論
3, 小雨點---臺英雙語童詩
小雨點
彼日
天頂雄雄變色
恁一个一个相招離開厝
作伙激作水晶柱仔
四界溜溜走假若欲去佗位開同樂會
有的佇厝頂耍飛刀
刮甲水晶珠仔輾過來閣輾過去
有的跳落河內游泳
游甲分袂出你我伊
有的淋佇土跤佮花蕊姐仔談天說地
講甲心花逐蕊開甲紅紅紅
恁耍甲無暝無日
耍甲半小死了後想欲轉去厝
無半點元氣閣毋知厝佇佗位
按呢是欲按怎有才調轉去厝歇睏咧?
Little Raindrops
That day
The weather suddenly changes
The little raindrops are leaving home one by… 繼續
由李秀於2009 九月 20 1:30am添加 — 無評論
慾望的吧檯 （台語詩）
妖嬌的霓虹心性無定
輕浮的街巷狂亂無名
入門就看著長長的吧檯
佮一排高腳椅仔
綴人客嘻嘻嘩嘩
長長的吧檯
有酒以來
就是天人的交界
理性的我
安搭野性的我
寬寬仔飲酒
恬恬仔聽歌
盈晚就激予麻麻
滄桑是命
寂寞嘛是命
酒斟來 酒斟來
想欲激予麻麻
寬寬仔飲酒
恬恬仔聽歌
啥知彼支電吉他
彼支趕場來的電吉他刺夯夯
雄雄上台
雄雄一下就彈著會疼的所在
酒斟來 酒斟來
啥講家己的運命
袂當家己來排解
野性的我
說服理性的我。
盈晚就綴長長的吧檯
佮高腳椅仔
鬥陣嘻嘻嘩嘩
酒斟來… 繼續
由浪人陳建成於2009 九月 20 12:32am添加 — 無評論
2, 蝴蝶結---臺英雙語童詩
蝴蝶結
阿母欲掠一隻足嫷的花蝴蝶
囥佇我的粉紅仔色的衫
通好綴我去街仔路耍
掠了閣再掠
看著真嫷的花蝴蝶
即欲停佇阿母的手頂
攏予我跳來跳去
驚甲伊
不是這爿的翅仔傷長
就是彼爿的翅仔傷短
阿母一放手
伊就飛走了
阿母叫我乖乖徛予正
我連鞭徛甲定定毋敢振動
了後阿母真正掠著
一隻足大閣嫷的花蝴蝶
囥佇我的粉紅仔色的衫
阮著作伙去街仔路蹉跎矣
Butterfly
Mother wants to catch a beautiful butterfly
To put on in my pink dress
And bring… 繼續
錯誤
錯誤
阮駱慫江南踅過……………….
遐聽候節季攆替的面腔親像蓮花開謝兮性素。
東風若嘸來 三月撦華兮擺柳煙花嘸飛
即時 汝兮心悶若夆圍纍
幼秀孤寂的城樓閣，
及欲準青石仔路頂的廕影
映淒清兮黃昏徙落 寂靜暗冥。
若沒跤步聲 春兮珠簾是掀袂振動的三月
孰了解 汝閉愫的心窗是兹呢阿憂悶咧
阮駱叩的馬蹄蔭聲 媠甲抹輸引動怨妒兮疑猜
足失禮 阮嘸是汝頷頸長長所當等兮
是無張弛現身兮生份儂啦…….。
錯誤 作者 鄭愁予
我打江南走過
那等在季節裡的容顏如蓮花的開落
東風不來 三月的柳絮不飛
你的心如小小的寂寞的城
恰若青石的街道向晚
跫音不響 三月的春帷不揭
你的心是小小的窗扉緊掩
我達達的馬蹄是美麗的錯誤
我不是歸人,是個過客………….。
由王立信於2009 九月 18 11:43pm添加 — 無評論
阮暗頓了後；佇運動埕拍箍咧散步
阮暗頓了後；佇運動埕拍箍咧散步
下昏暗冥；目瞬久
紛紛擾擾，世間外兮活動
汽車音聲像海兮波浪
影隻透射兮光線
攏收集佇看台級梯上頂懸；
白鐵仔鏡面.碗形兮聖火臺墘咧照影
雖莽；零零碎碎.濫濫參參.霧霧無明
總是；曾經證明伊有意無意兮存在。
阮暗頓了後；佇運動埕拍箍咧散步
目珠前玆粒食飯星嘸知見肖閣假博
掠作抹輸惦阮頭前咧導路
自家己當作啟明星欲指引阮人生兮路站
天星啊！這站阮感謝汝兮雞婆啦
安尼好莫；好嘸好！好嘸好啦？
註：食飯星係農業社會每夠暗頓兮習時
攏代先出出現佇天頂嘸知名兮星。
點閱南方兮溫度有感
南方兮溫度；
是椰子樹葉互溫暖南風吹出飄撇兮熱情
南方兮溫度；
是菮蕉旺來芭樂荔枝甘蔗紅柿食出健康
南方兮溫度；
是映朽爛官僚無能野蠻兮政權灑鹽殺菌
南方兮溫度；
是懟台灣玆塊土地誠懇付出深深兮疼惜
南方兮溫度；
是唯生命上深刻兮內層喊喝覺悟出公理
南方兮溫度；
是順服上帝權能創作儂唯真理來兮自由
南方兮溫度；
是熱情健康殺菌疼惜公理自由兮胡長松
由王立信於2009 九月 18 11:39pm添加 — 無評論
山外書
山外書
請 嘸免數念我
阮 山林隱遁去囉
雲 位海面來 叨弛咧使弄
講海兮心機相重矣
風嗎佇遐答嘴鼓
講 海兮笑聲 傷過頭膨風啊
阮是厭飽海面生涯 匿唯山懸頂來兮儂
山是堅凍的海湧
(沒閣臭呸海兮臊腥味)
我兮心嶄然仔入定……..
山歸宿佇我海波浪
一生兮完結篇
作者:鄭愁予
山外書
不必爲我懸念
我在山裡……
來自海上的雲
說海的沉默太深
來自海上的風
說海的笑聲太遼闊
我是來自海上的人
山是凝固的波浪
(不再相信海的消息)
我的歸心 不再湧動
由王立信於2009 九月 18 11:30pm添加 — 無評論
偶然
王立信台譯<一>
我親像雲 四界飄浪
無張弛晟作停歇佇汝心內兮蔭影
汝唔免抖跳 抑是心情暗淡
目囁久 伊連鞭佗消失去形蹤
咱有緣相抵佇海上旅途兮暗冥
逐人兮途合攏沒共款
暙外最思念已經唔是上要緊兮代誌
干單把握無拍算鬪陣兮甘露
來潤澤著咱窮抹枯焦去兮心靈爾爾
偶然
王立信台譯<二>
阮是天頂面 蕊蕊飄浪兮白雲
伊兮蔭影沒張弛歇佇汝心肝芛仔內底
請唔免感覺意外來見怪
嘛唔免相過頭興奮來猜疑汝咱兮用心
佇無拍算兮腳兜 伊佗消融及無影跡囉
緣字牽連咱佇光漾漾港墘兮暗冥
汝有汝兮映望致意抹顯明
阮嗎有阮兮理想 閣亦昧定著咧
咁愈記得咱熟似彼當袸………
唉！隨在汝啦… 繼續
由王立信於2009 九月 18 11:30pm添加 — 無評論
